يحسين ماننسى الضلع حد يوم المنيه
عاشور عدنه كربله وعاشور الزجيه
مره انصيح يازهراء
"" ومره انصيح ياحوراء """
يحسين الك وعدي .. بيك اختم وأبدي .. بأم الحسن
ما ساوم ابدمك .. و ما انسه ضلع أمك .. حد الچفن
ابچي الك مره .. وابچي على الزهره .. بعيوني ذن
وانطر محرمها .. وانصب مآتمها .. طول الزمن
هيهات ننسه ام النبي وآيات الموده
وهيهات ننسه كربله باب الله النگصده
حبنه العين لام وياء
ومره انصيح ياحوراء
_________________________
ألبس عليك أسود .. وألطم لطم محتد .. فوگ الصدر
وأمك تحزمنه .. وأتلم مدامعنه .. ابچفها الطهر
ومن نلطم اعليها .. ونذكر مآسيها .. انظل ننتظر
تحضر يمولانه .. ومن تلطم اويانه .. تسوه العمر
عاشور واحد بالسنه مايشفي غليلي
وعاشور ثاني الفاطمه سويت أبدليلي
وبكل بيت عاشوراء
ومره انصيح ياحوراء
_________________________
يحسين الك هايه .. من گلبي الحچايه .. يبن الولي
اقسم يبو العتره .. بعين أمك الحمره .. لو أنولي
ويه الدفع امك .. ويه السفك دمك .. وخان ابعلي
ماصالح واخضع .. لوجسمي يتگطع .. آنه وهلي
يحسين نقسم بالضلع والزهره الشريفه
مايوم تبرد بالگلب جمرات السقيفه
ان شاءالله هُم ماشاء
ومره انصيح ياحوراء
_________________________
لو ظل بشر يحچي .. وگال اشكثر تبچي .. كف دمعتك
الزهره الها تعزيه .. مو مره يوميه .. وضم فتوتك
روح التهي ابذاتك .. وضم كل رواياتك .. وضم جبهتك
نبچي إحنه خلينه .. جدتنه تحمينه .. مو جدتك
الزهراء رادت لليقر لحسين الولايه
كل يوم يذكرها ويون مو بس هالروايه
وعيش ابهاي الأجواء
ومره انصيح ياحوراء
_________________________
هذا الدمع والهم .. للضلع التهشم .. ودم الجنين
لأمك صبح عاشر .. ويه الفجر باچر .. انطبر الجبين
همنه إحنه نگصدها .. من الصبح عدها .. يوم أربعين
يم مرقدك هيه .. كل ليله لطميه .. عدها وونين
وانزور ذيچ الخيمگه انحس الزهره بيها
واتطوف عالتل وتحس زوارك بيديها
وتسجل بالأسماء
ومره انصيح ياحوراء
_________________________
كلمات الشاعر الأستاذ `~ أحمد الهلباوي ~
`
&
كتابةَ - Zahraa Al obaidi / زهراء العبيدي
_________________________
< Mp3 >
رد مع اقتباس
المشاركة الأصلية كتبت بواسطة هيفين
