درر العراق

فقار الكرخي · 1/November/2018

- يمه ما شفتوا بدربكم
بلبل متيه شجرته
- يمة مسحي دموعج وضمي سؤالج
البلابل والشجر والناس ميتة
- يمة جا إلمن الولي
وياهو يبچيلي واسكته
وياهو يغتاض بمكانه
لو هوه مس شيلة اخته
وياهو يخجل من يسولفلي عل عشگه
يمه والعباس يخنگني التعب وأفيش اشهگه
بغبشة الله عل الشغل عامل يهد
يفرك چفوفه ويصلي ويستحي منه البرد
چنه ثلمة من الگمر
عيونه دويرة سهر
تغرگ الدنيا بنظرته
رموشة حراس النهر
شوكت لحگ عمره يخلص وهو يمكن ما بدأ
يطيح يم خده النده ... وخاف واحد يحسده
حروزه بزنوده اشد
- هي مو قصة ولد تايه يرد
يمة البعينج غصن بعيون حاكم دولة الاسلام ورگة
- يمه ذبحوني بمكانه ...
مبارك يعيش خوانه ...
زين دلوني عل گبره ...
يمه حلفولي واعذره ...
گبل لا يطلع حضنته
ولسه بي ارذاذ عطره ...
شوية من عطره الورد
- يمه مو قصة ولد تايه يرد
يمه البعينج غصن بعيون حاكم دولة الاسلام تفگة
يمة كلساعة اعيد
يمة البعينج عرس بعيون حاكم دولة الاسلام مستقبل شهيد

موسى الحمام