هنا

[فقار الكرخي]

رسالة مولانا مسلم الی ابا عبد الله الحسين ع



لا تجي ،موسم ثلج ماکو ربیع
الناس وکحه و صافحت چف البرد

راسلوک و طشو ادروبک امان
وتنزف امن اچفوفهم دم و حقد

طفو اعیون الضوه و رسمو ظلام
وخنگو اصوات الصبح عن لا ترد

لاتجي ماکو علي ابهذا الطریق
للدراهم ناسهم صارو عبد

لا تجي، ضل، حرمله بنص الطریق
سام نبله و مستعد ذبح الورد

باچر ایعدون زینب بطبول
و بل سلف شیطان کاشخ مستعد

بوبهم ترمي حجر لو مر هواک
اربات هندو منها ما یسلم چبد

باچر اعله اچتافهن تگعد سیاط
عاصفه و خیل و سبي باچر تهد

لا تجي،ضل باچر ایچتفون عید
و ذبحو الفرحه گبل لا تنولد

باچر اسهام الکفر تعمه الکفیل
و وصو زینب عل عبي لا تعتمد

لا تجي ، موسم ثلج ماکو ربیع
الناس وکحه و صافحت چف البرد






م

[زيـــد عــلي]

راقي دائما بالاختيار ..
عاشت ايدك

[فقار الكرخي]

حبيبي زيد الذهب
نورت