هنا

[فقار الكرخي]

شهر شايل رساله ودم
وعطاب عله كبر الكاع من ازلوف المخيم
وشهر ردت النوك بغير راعيه
يا عباس تلجمني الخلك من انشد عنك
كمر بس باكه مني الماي ما تقنع شحاجيها
يحيل اختك اخذ صوط الشمر حيلي
يلون اختك
انخطف لوني لمن طاحت الرايه
على عيوني صعد حزنك
من شفت الرمح صاعد عليه راسك
ما بين الرمح و النوك حجي اشواك
تحجيها العيون مكحله بدخان
انه بعيني الشمس ظلمه
ولا واجد طريجي الكمر ماهوه
يساعي الماي
يلطاريك يسوه الماي
اسكي العايله بشوفك ترى هذا النهر جذبه
هو انته نهر تمشي
يقران الوفه يل رتلت روحك
يا محراب دمع حسين
ياذكر الخيم بيك الكلوب تهيد من ينجاب طاريك
يساعي الماي
هذا وداع ومن عده بدت قصه
سد عيونك الحلوات عن لا ينلجم طيفك
نفتح درب السبي عباس
يساعي الماي
هذا وداع





احمد البعاج

[سمراء من قوم عيسى]

عاشت ايدك