هنا

[سمراء من قوم عيسى]

وادعيني
وداع المحبين ما ضايك حلاته
وادعيني
بدمعتج اهوه الوداع البيه جلاده

انة مثل الطير لو طاحن طوارف مسبكاته
لو مثل ضامي الظهاري من تنشف لهاته
عايش بنارين انا نار الجفه ونار الشماته
وانتي تدرين الوكت يردف علي بمكسراته
حطني دوارة كطف للظيم وانفرت رحاته
لا نهار اريحني ولا ليلي ليل الناس اباته
وادعيني
وداع مضنوك النفس ودموع عينه مونساته
وذاك كلبي الطيبة ذاته

آنه ذاك...
آنه اليعيش بطيف لو طول بعاده
يل بسمتج فرحتي ورفة جفن عينج سعاده
ويانظر لنواظري وياهن وكتهن لو تراده
ويل تبوك عيونج من الليل كل لذة سواده
يل حنيني الشوفتج حن السكن اليرضه البلاده
وادعيني
بسمتج اهوه الوداع البيه جلاده

وادعينـــــي

عريان السيد خلف

[فقار الكرخي]

الله الله الله
من روائع عريان
عشتي سمراية

[فتاة المطر]

الله .. شكراً ل اختياراتك الرائعة

[سمراء من قوم عيسى]

يسعدني تواجدكم

[ثامر الحلي]

حلوة جدا
يسلموا ع النقل

[EV ']

الله

[علاوي البدري]

ررررروووعه ورده