هنا

[Ph. Zahraa]

مليانين ملل مليانين

بالنسبة لنفسي أكسر روتيني بممارسة مواهبي،
بالحجي و الشقة وي صديقاتي
مرات أسوي عركات
المهم ما أشعر بالملل
او يقتلني الروتين
لأنني ماطيق الروتين أبداً
و حتى الأشياء المتعوده عليهه ماحب أظل وياهه
المكان العايشة بي أغير بي كل فترة
ستايل ملابسي أغيره كل فترة
و حتى البشر أغيره من فترة ألى فترة

[clear]

مساء الخير ^_^

مشكله هي احنه محكومين بعدة اشياء فمن نشعر بالملل يا نشوف شي يا نقرأ شي وحتى هاي صارت روتينيه
نريد شي كرييتف
احياناً اتمنى انهُ اعرف ارسم لو اعزف على شي آله مو بس حتى اكسر الملل وانما كنوع من التعبير

تدري بشار حتى بعملنا اليومي نواجه هذا الروتين القاتل
هو لازم اكو تجديد وهمين الأفضل انهُ الواحد يحب عمله ويستمتع بيه حتى يكون اكو نوع من الإبداع

شكراً لهاي المساحه الجميله

[برزخ]

اتجاوزهم عن طريق قراءة قصص الناجحين

وعن طريق الكتابة

عيني مثلا اسال نفسي اسالة وجودية مثل


ليش انا موجودة هنا وايش غايتي وايش الرسالة اللي ابغى اوصلها

لانه بالاخير الدنيا فانية ومافيه شئ مضمون في الحياة الا الله

[بـشــــار]

اكيد كل شخص يمر بهالمرحلة بس اني رأيي الشخصي انو تحاول تبتكر شي حتى لو ميخدم احد مجرد تخرج من الروتين وترفه عن نفسك ..وبالاخير هذه المرحلة تنتهي متدوم

شغلة انو نبتكر شي هايه تحتاجلها دوافع ومقومات واهداف وواهس ووووو
واحنا ملتهين بامورنا اليوميه ومتشكلة ايامنا وفق هالامور
وواقعيا احنا بطبيعتنا نتاثر بكلشي نتكاسل نتكاسل ننفجر ننفجر (ابداعيا)
وان شاء الله هالمزاجيات المقلقة ماتدوم عند احد

[بـشــــار]

احيانا ً الافكار الي تدور برؤوسنا ما نكدر انترجمه او نعبر عنها بالشكل الي نريده او نراه جيد
فنشعر بملل من الكتابة . اي فكرة يجب ان نراها من عدة جوانب سنجد الكلمات تنساب بسهولة ويسر
شكراً

اتفق وياك عزيزي
والكاتب هم يشعر بالملل حتى لو يحب الكتابة
ف هنا لازم يخرج من اطار الكتابة لشي اخر يلتهي بي حتى يشتاق للكتابة ويرجع
اهلا بيك

[بـشــــار]

دائماً ما تلامس عاداتنا
نحن لا نعيش في عالم هادئ ومسالم كلا
لا يوجد شيئاً عادياً في الحياة
نحن نعيش في عالم غريب خارق يتغير كل دقيقة وكل ثانية
ولكننا كما ذكرت كسل ومرض
فعلاً بشار جميعنا نمر بهذا المرض اللعين
الكسل من الكبائر
الكسل من الذنوب
الكسل من الأمراض الخبيثة
الكسل من الأمراض المزمنة
بمقارنة بسيطة مع أجدادنا العرب
ابن النفيس وابن سينا والجاحظ وابن الهيثم وابن الشاطر والرازي والكندي وجابر بن حيّان وغيرهم الكثير
هؤلاء معجزات حقيقية مكاتب متنقلة انوار معرفية هائلة .
بيننا وبينهم مسافات فلكية هائلة .
كانوا يكتبون ويكتبون ويكتبون ويقرأون ويقرأون ويقرأون آناء الليل وأطراف النهار
حتى تركوا لنا حضارة وثورة علمية هائلة لا زالتْ أساساً ترتكز عليها الحضارة الحديثة في الطب والفلك واغلب العلوم فقط جابر بن حيان ينسب له فوق الألف كتاب ..
هم صدقوا في عملهم وحياتهم ومبادئهم
كانوا يثقون في أنفسهم ثقة هائلة
عندما تصادفني هذهِ الحالة اقرأ قصص إنسانية سواء حقيقية أو خيالية لها تأثير كبير على نفسي أو أذهب وأزور أصدقائي أو أقاربي وغير ذلك أهم شبء تخرج من الروتين ..
يستطيع اليوم أي شاب في غضون عشر سنوات أو أكثر أن يكون من كبار مفكري العالم .
المعرفة تتضاعف كل سنة
بل كل شهر
بل كل ساعة
ولكن الكسل واللامسؤولية
إنه الوقت الأنسب لنقوم نحن برفع امتنا نحن الشباب المتعلم المثقف ونترك خلفنا عصبية وتخلف ورجعية ..
شكرا بشار على الحوار اللطيف

طبعا شكد تعجبني ارائك وشكد اتونس من اتناقش وياك..
ياصديقي احنا مزاجين لدرجة خطيرة..
نتاثر باتفه الاشياء وممكن نحبط بامور بسيطة جدا..
ترفعنا كلمة وتسقطنا كلمة..
مرات نكول منو اليستاهل
علينا بنفسنا وبس عسى ما العالم محترق
احنا جبناء والروتين احنا الي خلينا يتحكم بينا
يعني مرات اباوع على ايامي
نوم دوام اكل طلعه نت نوم دوام
دتشوف السلسلة شلون ماشية
ماكو حدث بارز ع الاقل ينطي نكهة لليوم
الوجوده نفس الوجوده الاصوات نفسها
الاماكن نفسها
الجديد الوحيد بيومك هو عمرك ديتقدم
مرات اكول هذا واقعنا هيج
العيشة والمسؤولية خلتنا نهتم بجوانب معينه نعتبرها من ضروريات حياتنا
ونهمل جوانب نكول مو وقتها والمشكلة الايام تركض ومنعرف متى يجيئ الوقت!!
اما عن العلماء والمفكرين الي تفضلت بذكرهم..
هؤلاء ياصديقي جان بالهم صافي قبل..
ماكو مؤثرات خارجية تعيق فكرهم..
عايشين ببساطة وعقولهم مهيئة ل مساحة شاسعة من الافكار..
اني هم مااريد الوم وقتنا اليوم واكول ليش منصير مثل قبل..
لان كلشي يتغير وتغير..
ممكن احنا جيل هسة لو جنا عايشين بزمن ابن الهيثم وجابر بن حيان و و غيرهم ممكن نبرز اكثر منهم ..
بس كتلك كل زمن كانت له ضروفه وعوامله ..
ورغم هالشي تبقى اعذارنا ضعيفة
لان الحياة ماتوقف عند حد معين
صديقي
اتمنالك ايام حلوة وسعيدة
وراحة بال اخوية العزيز

[بـشــــار]

ياصديقي اني من يصير عندي ملل او اضوج مباشرة انام استغل هذا الوقت حتى اعوض بي قلة النوم ومن اكعد شوي المزاج متعدل واكدر اعالج الامور

نوم العافية اخويه
اي مرات التعب والاجهاد العقلي والجسدي يخليك متعرف شلون تفكر او تصرف او شنو تريده
النوم راحة لكنه يضل حل مؤقت
بس يضل اجمل الحلول بالاضافة للطعام
حبيبي

[سلفر]

الجديد الوحيد بيومك هو عمرك ديتقدم
مرات اكول هذا واقعنا هيج
العيشة والمسؤولية خلتنا نهتم بجوانب معينه نعتبرها من ضروريات حياتنا
ونهمل جوانب نكول مو وقتها والمشكلة الايام تركض ومنعرف متى يجيئ الوقت!
ورغم هالشي تبقى اعذارنا ضعيفة
,,,,,,,,,,,,,
أنتَ رائع جداً صديقي بشار
فعلاً اختزلتَ المشكلة
ولكن
المشكلة أنَّ الوقت والزمن لا يُخزن ولا يُجمع الذي ذهب يذهب ولا يأتي
وإلا لخزنا الوقت
والمشكلة الأخرى عدم التخطيط طبعاً هذه المشكلة عالمية بدراسة أكدتْ أنَّ الذين يخططون في الدول المتقدمة عالمياً هم 3% فقط
أما الباقي فيعيش فوضى أسلوب رد الفعل ( لكل فعل رد فعل ) دون وجود فكرة عمَّا سأفعلهُ اليوم أو ما سأفعله هذا الشهر أو هذهِ السنة
أسلوبنا في الحياة بائس وساكن كأنهُ سجين ومعتقل
وهو ما يعيقنا جداً لننطلق يعني مثلاً آني أريد أغير أسلوبي في الحياة الذي مللت منه ولم أنتفع بهِ من غير المنطقي أنه أتغير وأعيد نفس الأسلوب وإلا ما ممكن أن أتغير يجب أن أجد أسلوباً آخر يعني مثلاً يوجد طريق مسدود بس آني مع ذلك أدخل يومياً بنفس هذا الطريق وعندما أصل للجدار وأرجع وهكذا يجب أن أجد طريقاً آخر لأخرج من هذا السجن ..
نحتاج شيء أكبر من هذا لكسر قيود هذا الإسلوب البائس .
كما قلت روتيني ..
ولكن الذين يعترفون بأخطائهم في الحياة قادرون على النضج والتكامل والعمق والحكمة انشاءالله وهذا أول طرق النجاح والإنطلاق ..
شكراً لكَ بشَّار على النقد البنَّاء لعاداتنا وأساليبنا في الحياة

[تاروت الملكة Queen Tarot]

ارفع طاقتك اقره دعاء اسمع روحانيات اقره كتب تنمية بشرية استمع ل كﻻم علماء الطاقة تابعهم ..نفتح قران بصوت عالي و ..الخ

[بـشــــار]

مساءك مزاج :٤:

الروتين والملل مايكمل اليوم بدونهن
اذا كنت تشتغل ، تدرس ، عاطل عن كولشي ههههه المهم لازم يجملن يومك
وما نگدر نغير هذا الشي ، بس نگدر نظيف شغلات ليومنا بس بمجرد فترة وتصير هالشغلات من ضمن الروتين وهكذا
ويابخت اللي يقضي وقت فراغة بشي مفيد (مفيد) حتى لو سويت شي للمرح او حتى تتسله هذا الشي هم يعتبر مفيد ف لا تستهين بشي ابد

اهلا سيادة النائبة اسرار
يعني مثلا جنتي نائبة وقررتي تصيرين من اهل الدار حتى تكسرين الروتين
والله ياعيني هو ايامنا العايشيها احنا كلها روتينية
بس رغم هالشي مو لازم نستسلم
لازم نصنع اشياء حلوة من داخلنا ونكون ايجابين
حتى لو كانت اشياء بسيطة