هنا

[بـشــــار]

مزاج الزنجبيل
مراحب و ورد

من فترة مو كاتب شي وكأنما يراودني إحساس إني عايش بعالم مسالم جميل نقي خالي من المشاكل والسلبيات ول ول
أو ماكو رغبة بالكتابة وملل وماكو شي يستحق نتناقش بي..

ف سالت نفسي سؤال هل اني مجبور ك مشرف لقسم النقاش أنزل موضوع أو أناقشكم بفكرة حتى لو كانت هالفكرة مبتذلة !!

هنا تراود بذهني سؤال وهو:-
هل انا مجبور على ان اقوم بعمل ما حتى لو كان غير مؤثر؟بس حتى أكَول ترا أني سويت هيج وهيج..
أو أكتب هالموضوع بدون رغبتي بس ك شعور بالمسؤولية!!


جاوبت نفسي كَلت هو مو إجبار بقدر إني ماأريد اكون عاجز أو خامل المهم أخلي عجلة الافكار تدور وماتوكَف عند حد معين حتى لو كانت أفكاري ماتخدم الصالح العام!!

شغلة ثانية البرود والعجز واللا رغبة وانعدام المسؤولية اعتقد هالاشياء كل احنا نمر بيها سواء بقصد او بدون قصد..
زين شلون أكَدر أتجاوزهن وأرجع لطبيعتي.؟

خلينا نتفق إحنا محكومين بروتين معين وإذا جنا ضايجين ومهمومين واحدنا يكَعد يتفرج فيلم أو يطلع ويه أصدقائه أو يحضن مخدته وينام بس ماكو فد حدث عظيم يغير النفسيه وتقلباتها المزعجة غير هالاشياء العاديه والمؤقته..

تحدثت بصيغة الانا واني مو قاصدني وحدي بهالشي بس هالتقلبات والمزاجيات كلنا مارين بيها وصرنا نتعايش وياها..

احب اسمع ارائكم

عانقوها

[المنسوجة من خيوط ضوء القمر]

اكيد كل شخص يمر بهالمرحلة بس اني رأيي الشخصي انو تحاول تبتكر شي حتى لو ميخدم احد مجرد تخرج من الروتين وترفه عن نفسك ..وبالاخير هذه المرحلة تنتهي متدوم

[وطنــــــي حضارة]

احيانا ً الافكار الي تدور برؤوسنا ما نكدر انترجمه او نعبر عنها بالشكل الي نريده او نراه جيد
فنشعر بملل من الكتابة . اي فكرة يجب ان نراها من عدة جوانب سنجد الكلمات تنساب بسهولة ويسر
شكراً

[سلفر]

دائماً ما تلامس عاداتنا
نحن لا نعيش في عالم هادئ ومسالم كلا
لا يوجد شيئاً عادياً في الحياة
نحن نعيش في عالم غريب خارق يتغير كل دقيقة وكل ثانية
ولكننا كما ذكرت كسل ومرض
فعلاً بشار جميعنا نمر بهذا المرض اللعين
الكسل من الكبائر
الكسل من الذنوب
الكسل من الأمراض الخبيثة
الكسل من الأمراض المزمنة
بمقارنة بسيطة مع أجدادنا العرب
ابن النفيس وابن سينا والجاحظ وابن الهيثم وابن الشاطر والرازي والكندي وجابر بن حيّان وغيرهم الكثير
هؤلاء معجزات حقيقية مكاتب متنقلة انوار معرفية هائلة .
بيننا وبينهم مسافات فلكية هائلة .
كانوا يكتبون ويكتبون ويكتبون ويقرأون ويقرأون ويقرأون آناء الليل وأطراف النهار
حتى تركوا لنا حضارة وثورة علمية هائلة لا زالتْ أساساً ترتكز عليها الحضارة الحديثة في الطب والفلك واغلب العلوم فقط جابر بن حيان ينسب له فوق الألف كتاب ..
هم صدقوا في عملهم وحياتهم ومبادئهم
كانوا يثقون في أنفسهم ثقة هائلة
عندما تصادفني هذهِ الحالة اقرأ قصص إنسانية سواء حقيقية أو خيالية لها تأثير كبير على نفسي أو أذهب وأزور أصدقائي أو أقاربي وغير ذلك أهم شبء تخرج من الروتين ..
يستطيع اليوم أي شاب في غضون عشر سنوات أو أكثر أن يكون من كبار مفكري العالم .
المعرفة تتضاعف كل سنة
بل كل شهر
بل كل ساعة
ولكن الكسل واللامسؤولية
إنه الوقت الأنسب لنقوم نحن برفع امتنا نحن الشباب المتعلم المثقف ونترك خلفنا عصبية وتخلف ورجعية ..
شكرا بشار على الحوار اللطيف

[Scrap]

ياصديقي اني من يصير عندي ملل او اضوج مباشرة انام استغل هذا الوقت حتى اعوض بي قلة النوم ومن اكعد شوي المزاج متعدل واكدر اعالج الامور

[اسرار الكون]

مساءك مزاج :٤:

الروتين والملل مايكمل اليوم بدونهن
اذا كنت تشتغل ، تدرس ، عاطل عن كولشي ههههه المهم لازم يجملن يومك
وما نگدر نغير هذا الشي ، بس نگدر نظيف شغلات ليومنا بس بمجرد فترة وتصير هالشغلات من ضمن الروتين وهكذا
ويابخت اللي يقضي وقت فراغة بشي مفيد (مفيد) حتى لو سويت شي للمرح او حتى تتسله هذا الشي هم يعتبر مفيد ف لا تستهين بشي ابد

[فتاة المطر]

بالنسبة للكتابه فعلاً أغلب الأوقات تهرب مننا الحروف معرف السبب وين .. بالنسبة للكسل والملل كلنا نمر فيه واعتقد العيب فينا لان زمان أول كانوا يجتهدون بكل شي يمكن الآن لان كلشي صار بمتناول اليد وصرنا نستسهل اكثر الامور أو نقول بكرا وبعده وهكذا
لكن اذا سألتني كيف اقضي على عدوي الملل والكسل بصراحة يمكن لاني انسانة كثير بسيطة بس اشوف طفل او اسمع ضحكته انسى ويتعدل مزاجي او لما ينزل المطر واتمنى الله يبعد الكسل والملل عن الجميع .. تحياتي

[نـايـا]

بصراحة من نشرت الموضوع واني اريد اشارك بس مزاج ما عندي
خليني اكون متابعة

[Mohammed K.F]

بالبداية انت كمشرف وان كنت الواجهة للقسم والمدير التنفيذي صاحب الصلاحيات في ادارته، الا ان مسؤولية نشاط القسم لا تقع على عاتقك فقط.. بل هي مسؤولية يتحملها الجميع من الادارة وغيرها.
الروتين والتغيير لكل واحد ظروفه ووقته. واذا كنت تشاهدنا كسولين نميل للراحة او الروتين فمو بالضرورة ان يكون الواقع كذلك، لان احتمال ظروفنا تحكم علينا ان نكون نشيطيين في جانب اخر انت ما تعرفه ولا تلاحظه.
مو انعدام للمسؤولية، وانما توزيع للاولويات.
شكرا بشار

[فقار الكرخي]

والله يابشار صارلي ساعة صافن بهالموضوع ..

انت كمشرف من وجهة نظري طبعا لازم تنزل مواضيع
حتى وان كانت بدون فائدة .
يعني يجوز يستفاد منها القليل .

السبب ..
اني كعضو واجيت اريد اناقش فد موضوع او فكرة .
واشوف القسم ميت واخر رد على اخر موضوع منذ يومين او 3 .
راح اتردد في النشر
واذا مثلا عندي فد موضوع مو ذات قيمة واريد انزلة
واشوف باقي المواضيع كلها افكار رنانة وذات قيمة .
اكيد راح اخجل من موضوعي ويراودني خوف من ردود الأستهزاء
بس من اشوف واجهة القسم الي هو المشرف منزل مواضيع بسيطة . راح اتشجع انشر موضوعي . وانت موضوع وذاك رد راح يصير تفاعل ربما يقتل الروتين .
وللعلم انت من أكفئ المشرفين في المنتدى
مودتي