آنه أعرْف الغيّرك و الغيّروك
آنه أعرْف الغيّرك و الغيّروك
رادو إبّيناتنه يموت الهوه
عمو عينك من إجو ما كحّلوك
العين متضل عين لو راح الضوه
چنت كحله بناضرك و إنته بچيت
و طيّحتني و إنته خدّينك رمل
و چنت نار الدفّتك ، لمّن طفيت
تشيل برمادي گمت عمده و تهِل
و آنه كل هذا فلا گلت و حچيت
و لا جزع گلبي .. و لا منّك أمِل
عود دلّوك الدرب ، بس ضيّعوك
و اخذو التمرات و إنطوك النوه
و إنته عطشان و أبد ما شرّبوك
يا سراب اللي عطش منّه إرتوه
آنه ردت أنساك بس شوگك چبير
ردت أگلّك روح .. و الفضها تعال
آنه جنحك لو رحت بيمن تطير
ليش بجناحك تحط بعدك شِكال
هاي نزوه و تنتهي و باچر تحير
إسمعني مَرّه و إصفن لهذا المثال
إنته يم عيونهم ما وچّدوك
فلها كورة مغزلك شوفه شطوه
بس يراووك الجرف ما عبّروك
همّه صح شراع بس آنه الهوه
سمير صبيح
رد مع اقتباس
المشاركة الأصلية كتبت بواسطة مٰہٰلٰگٰٰه ہٰٰ۫ ہٰٰ۫
