عكس يعگوب .. خله ايذوب .. گلبي ويعمن اعيوني
لترد ثوب .. رد مكتوب .. بس لا تسأل اشلوني
شيفيد القميص ابغير راعيه
إلك جيه بعد لو ما إلك جيه
ابحزن يعگوب تحچي الناس وتسولف روايات
عن سبعين ثكله احساب بس محبوبه ما مات
تره عمر الجرح ماطاب بحچاية سلامات
حرام ابچي وحرام اتروح واشكد الحرامات
ادموعي اثگال هذا الحال .. لا صاير ولا داير
اريدن طيف لو مرسال .. لو برقيه يمسافر
اذكرك كون ناسي عندك ابنيه
إلك جيه بعد لو ما إلك جيه
_______________________
قبل فتره بأرض مكه الظعن نزل رحاله
ماحنيت ماوديت شتكلفك رساله
شعره ابليل ضاع الحيل حال الضيم حاله
طولي طاح بعدك راح وامشيب خياله
علي وياي وللممشاي .. خذت عوچية الزهره
وجه ذبلان مابي ماي .. بس وبحاجة الكطره
تصير القطره لو كلمه حسينيه
إلك جيه بعد لو ما إلك جيه
_______________________
يبويه الكربله أشوداك چا هيچي اليسافر
ناس اهناك بس مو ناس ماعدهم مشاعر
وادم تعبد الدينار واتدور مظاهر
وانته اعرف بهالناس ماعدهم ضماير
تره التذكير للتحذير .. مو آنه واذكرنك
بس وياك عقلي ازغير .. اشتياقي اكبر ابحضنك
يعايش بيه وانته تعرف اشبيه
إلك جيه بعد لو ما إلك جيه
_______________________
رحت لأم البنين ابساع لحگيني يجده
گلتلهه يگول الطير ابويه حسين وحده
صاحت مستحيل اشلون مو عباس عنده
گلتلهه گضه العباس لمن ضحه زنده
صدگ معقول هذا الصار .. لو هسه آنه حلمانه
منو المچتول گلبي احتار .. انته بويه لو آنه
أحس دخان خيمه إيشگگ الريه
إلك جيه بعد لو ما إلك جيه
_______________________
هذا الحچي وكل الصار وانه ابقه اتاني
ابعمري اشتري الگعده اوياك لو حته ثواني
يامرحوم يا رحمان ماترحمني آني
يمددللني ترضه أشلون ياكلني زماني
يجي فد يوم من الگاك .. ابوسن انزل اترابك
يبويه اتموت من اجديد .. من احچي على اثيابك
تعرف ساعتها مو بس عمتي مسبيه
إلك جيه بعد لو ما إلك جيه
_______________________
بعد چم يوم طير البوم يجي مكسور الجناح
يجيب اخبار تمطر نار يدخل حجرتي اصياح
تحت جنحينه اشوف ادموم يعني والدچ راح
گعدتي ابيت راس احسين گاعد فوگ الرماح
اجاني الطير مات الخير .. المن باقيه انتي
ابشفاه الموت صاح ابصوت .. سلميلي على ابنيتي
يماناسيني حته ابعين مطفيه
إلك جيه بعد لو ما إلك جيه
_______________________
كلمات الشاعر ~ حمزة السماوي ~
&
كتابة ~ Zahraa Al obaidi
(( MP3 ))
رد مع اقتباس
المشاركة الأصلية كتبت بواسطة الزين إسلام
