درر العراق

ღ عِشق ღ · 31/October/2018

يا ابا عبدالله .. يا ابا عبدالله ..

بت حيدر ابيا حاله .. من دارت الخياله

من الرعب تشچي له .. ماظل يخويه حيله

جاوبها والمدمع دم .. حكم الله بينه اتحتم

لازم يزينب باچر .. ايصير الذي ماصاير

من اوگف ابميداني .. ومحاوط ابعدواني

من كل كتر يلفوني .. اسهام ونبل يرموني

بالحجر يختي اصوابي .. وامسح الدم بثيابي

ابچبدي المثلث يگطع .. من ظهري يختي يطلع

واترس چفوفي ابدمي .. اوعـالحرب يضعف عزمي

يا ابا عبدالله .. يا ابا عبدالله ..

يثگل عليه اسلاحي .. يبهضني نزف اجراحي

وامن المهر اتگنطر .. واعله الترب اتعفر

اعمل وساده الخدي .. والعطش مارد جبدي

اصرخ وادير اعيوني .. گطرة عذب اسگوني

لاچنهم ابلا ذمه .. يستوحدوني ابهجمه

يطعني هذا ابحربه .. والضربه فوگ الضربه

وذاك ابسهم يرميني .. ابنص حاجبي وجبيني

والشمر يگرب ليه .. وبسيفه ناوي اعليه

ايوسط السيف ابنحري .. وايثني رجله ابصدري

أبگه سليب اوعاري .. ومجفن امن الذاري

والخيل تطحن عظمي .. بيها إيتگلب جسمي

ومن صدري تگصد ليكم .. يختي وتثور اعليكم

تلفي وتدوس اعتابچ .. وتفرهد ابـأطنابچ

ماتبگه ألكم خيمه .. اومسدود درب الهيمه

واهناك زيدي اونينچ .. اوللنجف ديري ابعينچ

ولأم الحسن ناديها .. وبلي جره خبريها

محد حمل كافوره .. يافاطمه مأجوره

يا ابا عبدالله .. يا ابا عبدالله ..

صيحي يحيدر وينك .. الحگ يبويه احسينك

____________________________

كلمات الشاعر ~ ميرزا عادل أشكناني

____________________________

كتابة Zahraa Al obaidi

تحميلMP3