السلام عليكم اخواني اخواتي الشعراء والشاعرات
لي الشرف بالانضمام الى هذا المنتدى العظيم
اتمنى ان اكون خفيف الظل عليكم
اهدي لكم هذه الابيات عسى ان تلاقي اعجابكمجنك ما شفت غمض عيونك زين
لو شفت الشمس نزعت عبايتها
المنجل ما ذنب من طاوع الفلاح
كل ذنب السنابل تنطي ركبتها
وضم كلبك عليهم خاف لا تنباك
تروح جفوفهم بس تبقى لجمتها
بتراب الجذر غطيه حتى يعيش
ترى طبع الارض تحفظ امانتها
تلبس وجه واحد ما تحبك ناس
العشر وجوه ما تنزل محبتها
ترى ما يختلف بالدلة والفنجان
اسم الشيخ يحفظ هو هيبتها
يومية السمه تلبس وجه من غيم
بس تبقه الشمس وحدة ابتسامتها
طبعك يبقه طبعك ما يهم الغير
طبع الروح هي تداوي علتها
وجرب صاحبك صحبة الطويلة تريد
ايد الماتذب بالشدة صحبتها
اخذ صاحب مراية وللوجه شراي
السفينة بلا شراع تضيع رحلتها
وطبع هم بالسفن تغرگ لوّن ملاح
مجنون ويريد يدير دفتها
حسن العنزي
رد مع اقتباس
