السلام عليكم
اللهم صلى على محمد وعلى اله بيته الطهار
لدي صديقتي والتي تكون من مقربين لي لاكثر من ثلاثة سنوات لم تريني حبيبها او صديقها مقرب المعجبة به و رغم علاقتنا التي قد تكون قوية ولكن عند طلب منها تجاهل بداعي انها ليس لها الوقت لهذه الامور وهي قبل فترة طلبت مني صورة ليراني حبيبها مزعوم وقد قبلت وانا نادمة على هذا على علم ان كنت احب شخص واحيانا ارسل لها بعض من صوره
مشكلة هل اختياري لهذا صديقة خطا ويجب تحفُّظ علاقتي معها
بعض الامور قد تعتبرهة من خصوصياتهة وهذا شي
طبيعي هيج صديقة احتفظي بيهة لان بالمستقبل لو صار
خلاف بيناتكم ما راح تشرج عالحبل لان راح تعتبرهة
امور خاصة بيناتكم وتبقى بيناتكم الى ان تحل
كل الود
والله صديقه متخاف عليج.. يمعودين اتقو الله يا حبيب يا بطيخ
هو زواج وعلني ومشية كدام الف واحد
وبعدين يطلعون ملعبين
شلون تسلمن بسرعه والله حراااام
اتقن الله بانفسجن ترة الوكت مالتنه مو خوش
لا تثقي باي شخص
لا حبيب ولا صديق ولا صديقة
وكتنا مو خوش يا اختي . ممممكن ادزله الصوره تبعج ويكوم يهددج بيهه او غير شغلات مثلا
مايصير تثقين بيهه الهالدرجة النفوس ضعيفه
وناسنه مو خوش ناس صايره. .طبعا االبعض مو الكل
خلي ثقتج بنفسج وبس لا تأمنين ابد
هسه تجي دكتورة فيري
تنطيجياها بالصميم .
اولا هذا شي يخصها تريد تراويج صورته او ماتريد خصوصيتها وبكيفها شي عادي
ثانيا على اي اساس تطلب صورتج وتواريها لحبيبها ما ادري صديقها ؟ وانتي شلون توافقين يجوز تدعي بأن هالصورة الها او يهددج بيها او يكون ناوي عليج نية سوء ،عجيب غريب
مرحبا ...
و الله يا عزيزتي ...اني ما اعرف على شنو اعلق ؟
اولا كنت اتمنى اعرف مرحلتك العمرية ...حتى تكون النصيحة اقرب للواقع و اللغة ملائمة ..
دا احاول اقدر انه انتو طالبات اعدادية ..
اولا ....مسألة الصداقة و الحب و هذي المسميات اللي الها اول و ما الها اخر و اللي تتم بالسر و الخفاء و ما نگدر نواجه بيها اهلنا و المجتمع ، هي بدون نقاش و الكل يعرف ، شي غلط ، و الغريب انه رغم المجتمع كله يعرف ، بس ثلاث ارباعه يمارس الخطأ ..ليش ما ادري !
الولد بالله ما يديرون بال ، نظرة المجتمع الهم ما تحملهم اي خطأ و لا تحاسبهم ..انتو البنات ليش تبيعون حياتكم و سمعتكم و ثقة اهلكم بكلمتين ما يسوون اي شي بميزان الحياة ؟ ليش ؟ هيچ مهم واحد يكول للبنت احبج و هالكلاوات المالية القصص و المسلسلات !
و يا ريت توگف الاخطاء ع الاكلام ..بس هذي البداية ..
و الغريب هسة انت كل اللي غاثچ من الموضوع ، صديقتچ ضامة ( حبيبها ) عنچ ..و كأنما هسة هو هذا مقياس الصداقة الحقيقية ...
البنت اللي تصادق، الواحد ينهزم من صداقتها مثل ما ينهزم من الطاعون .
بس هذا الكلام يا ترى يعني الچ شي ، و انت نفسچ تگولين عندچ من هالتجارب ؟
لهذا گلت ابداية كلامي ، ما اعرف شنو اعلق ..
يا بنتي ...اصلحي من تصرفاتچ ...و اتركي ابواب البلاء الدنيوي و الاخروي ...لا تجيبون لنفسكم و لأهلكم الكلام و الخزي ..
و ورا ما تبدين بأصلاح نفسچ و توصلين لطريق الصواب ..
رح تكون اجابتي عن سؤالچ : نعم هذي البنت مو اهل للصداقة ..مو لأن هي سرانية و كتومة فيما يخص العلاقات الغير مقبولة ..و انما لأن هيچ صداقات تسهل عالانسان يوقع بالخطأ..
قيمي افكارج و تصرفاتج و بعدين اطلبي رأينا بالاخرين ..
الوقت ما زال امامكم ...
بالتوفيق و الهداية للصواب ان شاء الله.
المشاركة الأصلية كتبت بواسطة فقار الكرخي
رد مع اقتباس