فقره ورسمنه ايامنه بسد الزناگيل
غربه الوطن والريح مو ريح
ودار التعب مثل المراجيح..
وغنينه غنوه اعله السمه..
كل نجمه مشتهيه السهر بعيونه اطيح.
شيصير لو لمنه الوطن مثل التصاوير...
شيصير لو حط الوطن واحلامنه اطير
فقره ورسمنه ايامنه بسد الزناگيل
وامتونه اعله المامش تشيل
وشمس التعب جنهه التراتيل !
وكون الوطن بجيوبنه يصير
وبكيفنه نحط المگادير....
نرسم فراشه اعله السراديب.
واعله المناير تل عگاريب..
يا شوگ خذنه بكيفك وجيب
وغنينه حد اخر مكاتيب.
وسافر لحد ما رجلك اتعيب !
حزن وقهر جبنه العمر فرة فناجين.
ليل وضهر نداور ابحل الدكاكين.
بذاك الشته وبرد الدرابين
تارس ضهرنه الماي والطين !!
غربه وعرفنه الطيش بلشيب
نستاحش انطب للملاعيب.
ونستنه جانت جرح ويطيب..
شوگ و دمع فر بلعمر مثل النواعير
ااخ الدهر غنه الفجر وارموشنه ادير ..
شيصير لو بيامنه ضحكت ونس
شيصير لو كبل الفجر يطلع عرس
يا وطن يا روج البساتين
بيك العنب غطه السنادين
خيرك يجي ويروح للدين ..
اشموع الفجر غنينه الك كل الدواوين
بورقه وقلم خطينه الك كل العناوين
وسولفنه همك للگمر باگة حزن
كلناله هنيالك اتبات بكل وطن..
ااااخ الوطن صبح تواسيل
صوت الحزن غطه المراسيل..
شيصير لو لمنه الوطن مثل التصاوير...
حسن وصفي
رد مع اقتباس
المشاركة الأصلية كتبت بواسطة سمراء من قوم عيسى
