هذا اني الما شفت راحة بحياتي
اني فد واحد فقير
بلايا چف ..!
خلصن چفوفي بزماني
شكثر عضيت الچفوف من الندم
گطمتهن من خنگتي
من حسرتي
وهذا اني .؟!
هذا اني الما شفت راحة بحياتي
هذا اني الماشفت دنياي عدلّه
تمشي اعوج
ولأنني جاهل في معاملة الدنيا
ماصرت مره اناني
شكثر وادم سولفولي
وگالو اعرف دنيتك لتصير شاطر
لا تمشي في وسط الطريق
هيج صدّگ رح تعاني
واني مامره مشيت بنص طريق
كالو امشي بدنيتك يم الرصيف
واني من كد مافقير
صعدت فوك الرصيف
هذا اني
حمورابي احتار وياي بمسلته
ونيوتن وضع قانون واحد
ذكر ان الارض تحتوي الجاذبيه
بس ما ذكرني وكال
الجرح يجذبني لحسرته
وشفت اوراق اتعارك ويه جمره
جي تخلف منهن شوية رماد
وگلبي صاح انه افزعلهن
كتله اسكت ..
ماسكت .!! بيدي حرگته
ومتت سكته
حتى ضميت الخبر من المگابر
وزعل گبري
وزعل چفني
وحتى المغيسل اظلم اني عفته
لان ميت واني عايش
ميت بحسرة مجاهد
راد يستشهد لاجل قطرة محبه
بس انكتل والصوچ بخنگتّه
قيس بعمره ماكتب ابيات دمعه
وبعالم الاموات وصلوله خبر
چفن الجرح .!!
صاير ضماد لونتي
وصرخ الله اكبر .. الله اكبر
يا گبر من ونتّه
وحتى جيفارا البطل صاير ضعيف
استغربو هالوادم
شماله دولاب الزمن
يفتر عكس
وبثورة الدنيا تضحك صرختّه
اتخربطت احوالهم
تدرون ليش .؟
چي ركزو وي گلبي
وي جرحه وحسرتّه
گلت اكاسر مر زماني
وصار حنظل
والله بالقوه جرعته
بقيت ادعي بنيه بيضه
ورافع النيه واصرّخ
ماكو ايد
اتگطمن من الي عشته
وقلبي صاير حيل اسود
مو حقد لا والله ضيم
من كثر مر الوكت البگلبي ضگته
الله اكبر يا جرح
الله اكبر يا وجع
مليت من زعل الفرح
مليت من شغل الفلح
ازرع واخضر واحصد گطوف النخل
گلب الطفل
ابيض مثل گطن السما
بس جرحي بگليبي صبح
من الصغر عيونه صلفه بدنيتي
وكلش وكح
وبنهاية هالسوالف عندي شي
رايد انطيكم خبر
اولاً
لحد يگلي انت شگلت
وشسولفت وشكد صحت
هذا فضلاً مو امر
ثانياً هذا الجواب
اني ما ادري شحجيت
وما ادري اني شسولفت
بس هذا تأثير القهر
چي مثل متگول الهويه
اني في وردة شبابي
وبس خنگه گضيت العمر
ياربي خلصني دخيلك
ياربي ارحمني
اروحن فدوه لاسمك
مالي غيرك
يفلش بگلبي شرايين الصخر
م
رد مع اقتباس