غار ابوالراية الثجيله اعليها
الخيل جفلت وانكسر واديها
گامت الحومه اتميل
والظهر سوا ليل
____________________
طوگ صار اعليها واليشرد امنين
صاحت الحومه يسار ويه اليمين
داخلين اعليك يـبن ام البنين
ادخيل زودك يبن امير المؤمنين
ازلام بـزلام اتدوس .. روس مدفونه ابروس
_____________________
غار ابوالراية الثجيله اعليها
الخيل جفلت وانكسر واديها
_____________________
عجت وگامت غبار إيلف غبار
غار بس امنين مايدرون غار
باليمين ايحول ايطيح اليسار
نار شبت سيف شايل مدري نار
هوه بالنص ويصيح .. آخر الگوم اتطيح
_____________________
غار ابوالراية الثجيله اعليها
الخيل جفلت وانكسر واديها
_____________________
فزع صاگـرهن المروض الجموع
وجر بيها وروح طلع گبل روح
صاح ذبوها الرماح الما تلوح
سيفي يعشگ ريحة الدم من يفوح
السيف شيخ الميدان .. السهم للغمان
_____________________
غار ابوالراية الثجيله اعليها
الخيل جفلت وانكسر واديها
_____________________
آنه عالشط يـ على الشط وينكم
المن اتريدون أشد اوحيلكم
ليمت اتطارد فشل من خيلكم
آنه واحد وانتم وسبعينكم
اليرف گلبه امن الموت .. ليش للحومه ايفوت !
_____________________
غار ابوالراية الثجيله اعليها
الخيل جفلت وانكسر واديها
_____________________
ابولسان الباشط البيهم خنس
ضاع عالسبعين الف حته النفس
الخيل ماغارت وعسكرها انخرس
الخايف امن اطرادها ايذب الفرس
الما املاوي الكلفات .. لا يلاگـي الصعبات
_____________________
غار ابوالراية الثجيله اعليها
الخيل جفلت وانكسر واديها
_____________________
كلمات الشاعر الموفق ~ احمد المشرفاوي
_____________________
كتابة ~ Zahraa Al obaidi
اضغط هنا للـتحميل | او الاستماعmp3
رد مع اقتباس