أبراج الأحد28أكتوبر2018
#الحمل
مميز يومك لتوصل كلمتك وتنجح وتسافر ..
مميز بحضورك وانت بيوم افضل لحلول ونجاح ومابعرف اذا اليوم عم تفكر تشتري موبايل او حتى عندك سفرة قصيرة او مشوار وكمان بتحس عندك قدرة على التواصل افضل مع محيطك ونجاح وتطور بالشغل ..
عاطفيا .. ممكن تلتقي الشريك اليوم وتتفاهمو وللاعذب فرصة يلاقي الشخص المناسب الو ..
#الثور
عندك أمور مالية شاغلتك وناطر حلول ..
بدي متنك تروق وخليك هادي واليوم اذا ناطر مال ممكن كتير تحصل عليه وكل تفكيرك بامور بتخص للمصاري بدك تقبض بس كمان مصاريفك زايدة انتبه من هالشي وحاول تبدا شغل جديد او تطور بوضعك ..
عاطفيا .. تعامل مع الامور برواق ويوم ايجابي لكن انت خليك بعيد عن الاستفزاز من الشريك ..
#الجوزاء
تغييرات لصالحك حلول وانفراج ..
عم تكون مميز ويوم بينهي التعب يلي مريت فيه وبساعدك لتشوف وضعك بشكل أفضل و بتلاقي حلول لمشاكلك .. بدي منك تفكر ببكرا وتفتح صفحة جديدة بحياتك وناطرك نجاح ومدعوم انت بالطاقة ..
عاطفيا .. من الايام المميزة عم تكون ساحر وعروض حب كبيرة اذا اعذب وتحسن بالعلاقة اذا مرتبط واذا علاقة ضعيفة فحاول تعيد حساباتك فيها يوم للتجديد ..
#السرطان
يوم بدو رواق وصبر وبمر انشالله ..
من الأيام الصعبة يلي عم تحس فيها انو كل شي متعب وماحدا عم يقدر يفهمك وهالشي عم يخليك تكره الجو والناس يلي عم تحاول تتلاعب بالوضع لصالحها بس بدي ماتزعل ومافي شي رح يضل هيك ..
عاطفيا .. روق بس وهدي حالك وانشالله كل شي بينحل بس بدها شوية وقت ..
#الأسد
منيح يومك بالعلاقات واللقاءات الحلوة ..
انت أفضل ويوم عم تكون فيه بين الاصدقاء عم تحس بدعم الناس الك ومحبتن وخاصة الاصدقاء المقربين حاول تطلب مساعدة ورح تنجح بهالشي وممكن تحقق شي كنت بتطمح الو عن طريق صديق ..
عاطفيا .. استغل وضعك وحاول تعزز علاقاتك لكن بدون استفزاز لان هالشي عم يأثر على علاقاتك ..
#العذراء
عندك يوم بحاحة تركيز وثقة بالنفس ..
كون عالموعد عندك تغييرات فحاول تكون اليوم جاهز لقصص مهنية مهمة وانتبه بالتعامل مع المسؤولين ولاتخالف القوانين وعندك كمان فرصة لعمل جديد او لحتى تحسن وضعك العام لكن خليك دقيق ..
عاطفيا .. تغييرات كبيرة عم تحصل بحياتك العاطفية حاول تفكر باستمرار العلاقة وبدك شوية رومنسية كمان ..
#الميزان
من افضل الأيام لسفر وتواصل ونجاح ..
تفائل انت بوضع أفضل عم تفكر بالسفر بهاليوم وملائم كتير لهالشي او انك تبدا علم جديد بالحالتين في فرص وكمان عم تتعرف على ناس غريبة او اجنبية وعم يكون الك طريقة مميزة بالتعامل والتواصل معن ..
عاطفيا .. انت بحال افضل ووضعك العاطفي عم يتحسن بهاليوم وممكن تفكر بانك تبدا حب جديد ..
#العقرب
الأمور صارت جيدة نسبيا وناطرك حلول ومال ..
خليك ايجابي حاول تحسن وضعك بهاليوم وامور مالية عم تصير أفضل عندك وخاصة يلي بخص الشراكة او حتى ميراث وهالشي رح يدعمك وكمان في حل لمشكلة قضائية وشفاء من مرض اتعبك الفترة الماضية .
عاطفيا .. عم تفكر بمصالحات مع الشريك ووضعك بالمجمل باتجاه تحسن على صعيد العاطفة ..
#القوس
عم تعصب وتضوج بسرعة هدي وعزز شراكتك ..
شراكات ويمكن بدك تتم عقد او تنضم لشخص بشغل أو بالمجمل الأمور عم تدور بهالخصوص لكن اي شراكة ضعيفة عم تنتهي هاليوم وعم يكون في كتير توتر وضغوط بالجو خاصة من المحيطين الك فخليك هادي ..
عاطفيا .. يوم بيحمل تناقض بالخيارات فلازم المرتبطين ينتبهو للعلاقة والاعذب ممكن يكمل ويكون في ارتباط عندو ..
#الجدي
خلص شغلك بوقتو وانتبه صحيا ..
رتب يومك اكتر شي عم تشغلك امورك الصحية وحاسس بتعب كبير وتراكم الشغل عليك من الصبح عم يحطك بوضع شوي صعب حاول تريح حالك ورتب امورك وخلص الأمور الضرورية ولاترد على الناس ..
عاطفيا .. خليك مساير شوي وعم تحس انو الشريك ماعم يهتم مثل الأول ..
#الدلو
يوم في حظ وعاطفة أفضل الك ..
يوم حلو ممكن تسمع خبر حلو والحظ بكون معك بالشي يلي بدك تعملو حتى يوم مناسب للانجاب او تعامل بما يخص الاطفال ويوم داعم استغل هالشي لتحصل على فرصة بتخص عمل او نجاح ..
عاطفيا .. من أفضل الايام عاطفيا الجاذبية الك قصوى استغل هالشي وعيش يوم مميز رومنسيا ..
#الحوت
تغيبرات بالبيت واهلك عم يشغلوك ..
مدايق على حدا من أهلك وكتير زاعجك وضع البيت بتحس المشاكل ماعم تخلص ولازم تلاقي حل عم تفكر تبيع او تشتري عقار وهالشي ممكن بهاليوم حاول تهدى ولاتكون حساس زيادة حتى تعرف تتصرف ..
عاطفيا .. يوم عم يحملك قلك ويمكن في مشكلة بين حبك وأهلك حاول تحلها بهدوء ..
رد مع اقتباس
المشاركة الأصلية كتبت بواسطة نـايـا
