هنا

[هيلــه]

..
كام والساع بزلمهم كامت
الوسعه من مسلم جفتهم ضاكت
ارتجس مسلم والسيوف اتلاكت
الكوفه بس جنف ادخيلك صاحت
عمي حيدر كلهم تعرفونه
ابن اخوه اني ودرست افنونه
الكوفه ليه جرت ذان
شايخ اعله الميدان
..
يابو طاهر دخيلك
..

شيخ سيفه ويحجي كله بكيفه
بيده ملج الموت اظن مو سيفه
هاشمي وين النجر تكليفه
المايموته السيف مات بطيفه
يمر عليه بالطيف ويشل حاله
يصير مسلم بالحلم جتاله
موته البيه حلمان
شايخ اعله الميدان
...
يابو طاهر دخيلك
..
طوعه احسبي انتهو كلهم ذوله
لخاطرج ولخاطر الهلهوله
راح اطب واهديهه الج هالصوله
وعد تنرد حاف مامقبوله
خاف ماتنقبل بس كليلي
لخاطرج تنرد واذب كل حيلي
الصوله ردهه ورهيان
شايخ اعله الميدان
...
يابو طاهر دخيلك
..
مسلم أتصور حسين يشوفه
كله سويت بزلمهم خوفه
حسين تبشر راح اجتف الكوفه
والا ارد بيهه الك مجتوفه
ربط الكوفه واهلهه وساكهه
لابن عمه وحيل ضب اشباكهه
ساكهه ويضحك جان
شايخ اعله الميدان
..
يابو طاهر دخيلك
..
حلف وصاح وراس عمي المايطخ
مثل طبخ الحسن لطبخكم طبخ
غيم وسجيل مسلم ظل يزخ
صوابه يكطع روس ما يفشخ فشخ
روس يفشخ طير ابابيلهه
ومسلم من الجتف الروس يشيلهه
الفيل ردهه بكوفان
شايخ اعله الميدان
..
يابو طاهر دخيلك
..

[Mohammed K.F]

مأجورة هيلة
كل الشكر للمجهود القيم

[هيلــه]

..
الشكر لحضورك