قيل في النصيحة:
أخوك من صدقك النصيحة
وخير الأعوان والإخوان أشدهم مبالغة في النصيحة
وقيل ايضاً : من نصحك أحسن إليك
إذاً النصيحة محبة .. وآفة العلم والمعرفة النسيان
فكُلنا يحتاج الى النصحية والتذكير ؟؟
بأن الحياة تكون أجمل والسعادة أكمل .. أذا ما أستفدنا من تجارب وخبرات الاخرين
هذه المساحة لننصح بعضنا ونذكر بعضنا بما نراه نافع ومفيد لحياة كريمة سعيدة.
التعديل الأخير تم بواسطة Aabdullah ; 12/January/2019 الساعة 1:08 am السبب: بطلب من صاحب الموضوع
الحب ....
( هذا الموضوع ناس تكرهه وناس تحبه الصراحه اني من الناس إللي تكرهه، لان ماشوفه شي مفيد بهذا مجتمعنا واحد يضحك ع لاخ وواحد يخون بلاخ المهم نحجي بالإيجابي، شي حلو من تلكه واحد يهتم بيك ويغار عليك ويخاف عليك قبل لايحبك شعور حلو يمر بيه الانسان صراحة بس انصحكم اذا موكد مسؤولية الحب لاتحبون حتى لو جنتو تريدون هالشي لان من راح تجبرك الظروف تترك كلشي راح يتهدم الشخص وينكسر ف حاولو تهتمون وتخافون قبل لاتحبون لان ذني اساسيات الحب قبل الحب حتى ، إللي عنده شخص يحبه ومكفي وموفي خل يحافظ عليه لان الناس التحب من كل كلبها قليلة والله والبنات انتبهوا وفرقوا بين حب الشهوه وحب العقل والقلب لان اكو فرق جبير حيل بينهم ويارب يخلي كل حبيبين لبعض ونهايتهم زواج يارب ).
اعتذر ع اطالة ، توجيه لأصدقائكم
العائلة
( طبعاً أكو هوايه ناس تشوف أكثر شي ينرفز ويكسر الواهس هيَ العائله، حقهم لان يشوفون منهم تصرفات قوية وتدقيق وملاحظه ع تصرفات ابنهم او بنتهم، يضوج الابن من هيج تصرفات ويحس روحه صغيره ويحس بالاهانه بس مايدري شكد يفيده كلامهم والمفروض يسمعه ويفهمه ويطبقه مهما كان كلام غثيث والله العظيم واني من ضمنكم جنت اتعارك وي اهلي علمود صديقه تالي طلعت دغش وتعاركت وياي ع سبب تافه ونست وكفاتي، المهم الأهل نعمه حاول تحس بهالنعمه قبل لتفقدها وتكوم تدور عليها دواره، ف ياعزيزي أنصحك بكلام أهلك لأن مرو بكل المراحل والمستويات اللي بعمرك وعرفو الزين والموزين ويحاولون يشوفونك الزين وتطبقه حتى ترفع راسهم وترفع قيمتهم وقيمتك وراح تشوف الحياة صح، اتمنى محد يشوف اهله بالطريقه السلبيه لان همه مستحيل يغلطون بشي مر عليهم اكثر من مرة اسمعوا كلامهم وطيعوا اوامرهم لتفكرون بكرامتكم لان شما يسوون يظلون اهلكم علمودكم وعلمود عيشتكم ومستقبلكم وانشاءالله يوفقكم ويبعد عنكم كُل المشاكل العائلية وغيرها، اللي ماعنده أم أو أب لاتيأس حبيبي اهلك ديشوفوك وهمه يم الرب ويريدوك تصير بأفضل حال بوجودهم أو بغيابهم ).
اعتذر ع اطالة ، توجيه لأصدقائكم
حلو استمري
انشاللهالمشاركة الأصلية كتبت بواسطة ارشد bm
تسلمين
عاشت الايادي
شكرا للنصائح الجميلة
تقييمي
شكرا زنوبة
شكرا ع النصائح
شكرا زنوبةاددلووون
#نصيحة اليوم
المرأة الضعيفه
طبعاً ماكو امرأة ضعيفة أو تحب احد يضلمها لكن اكو ظروف تجبرها تتحمل وتسكت ان كانت متزوجه او لا فتكول اساير الامور وهي دنيا وخلصانه
زين ليش متفكرين بنفسج بوجودج خلي الج كلمه بين اهلج بين عيالج او صديقاتج ولتعتبرين كلامي تحريض بالعكس لنفسج احجي صيري قويه والي يغلط بحقج او يضلمج مو اضم راسي واسكت "الساكت عن الحق شيطان أخرس" احاول اواجهه حتى لا يكررها مره ثانيه ويعرف حدوده وياج بس مو بصياح ومشاكل كل شي بالسياسه والتفاهم ينحل و اعرفي شلون تثبتين وجودج يحترموج ويقدروج
اقره وأطبق مو بس تقرن
#كوني قوية من اليوم لتخلين نفسج محط استهزاء بأيد اي شخص
واسفه ع اطاله #اعاده توجيه لصديقاتج
