بالي يمك داري روحك دفي اديك
بالي يمك داري روحك دفي اديك
الدنيا تمطر سيدي خايف عليك
الصفنه چف جاهل ومأذي
وانا ذاك الحفنه طين
وادري من تمطر تروح
تغطي گبر ام البنين
وشتصير الاساميهم فوانيس
بعرش الله وتلالي بلا سگف
وشتصير تسد عيونك
لو تسد زروف بيتك
سگفه منخل مو سگف
اي يلتنگط امان
هاي اذا عندك مكان
وانمرد بالحسبه كل دمعي انمرد
وعلي من كل گلبي خايف
سيدي يلوحك برد
وابدي انود ام وحيد
بليلة الوحشه اعلى قمصان العزيز
وابدي انود ووجهي يتخوصر
للبياره بكثر طرح النزيز
ويتكامش حطب روحي بداخلي وحاجوزي نار
وكل خميس
مفلي وجه الطف وادور
على شخوط المن شراشيب العبي
وانخل بشوفي لوجوه وكلها ناس ولا نبي
وفتشت كل الخدود بكربله
ولا گمر بخدوده شامه مبلله
وين ادورك راح اموت
انا من ماابچي الك اتناوش الكلش حرام
وادري ماتعرفني يلكلش حمام
انا ذاك اليبجي ليليه وينام
انا تعبتك هواي من اذنبت
انا لمچذب عليك وگلت اتوب وماتبت
التفتلي اي يملاچ الزمان
باالي يمك الدنيا تمطر خاف ماعندك مكان
حسين العجيلي
رد مع اقتباس
