هنا

[مريم@]

يعكوب لو اكدر صرت
هلبت اشم اثيابك..

وجافرعيت وصيحت..
يوسف !!!!!!!!
كتلني اغيابك:

اليله شنهي تريد كول
احجي علي
اغلط علي..
بس لاتكلي شجابك..

لـ حكيم الفريجي

[مريم@]

خجلان منك ياگلب بس هاي اخر مرة

كل يوم اچويك بمحب ماعندي بالحب خبرة

البشر سولتها الغدر وتخون اليسامحها

مومال حب اني اعتذر وبوجهي هاي امسحها

اعذرني والماقدرك لو روحي منها اتبرى

لـ رائد ابو فتان

[مريم@]

وانت ياگلبي أريد وما أريد
ما أجدد ..
انته ياگلبي أعتگت وأنه أعتگت
والشوگ
ماظل شي جديد

- مظفر النوّاب

[مريم@]

أبجي حگج
هذا حضج
يا شريفه بكثر يوسف
واليريدج نيته ياخذ مستحاج
ويزكي شيطانه بدمعتج
المثلج بهذا الوكت غير صالح للعشگ

ابراهيم الخزرجي
لــ

[مريم@]

ﺍﻛﻮ ﺷﺒﺎﺏ
ﮔﺎﻋﺪﻳﻦ ﺑﻤﺤﻞ ﻣﺎﻝ ﺣﻼﻗﻪ ...

ﻭﺍﻧﻔﺘﺢ ﻣﻮﺿﻮﻉ

ﺍﻷﻣﻬﺎﺕ ﻭﻛﻠﻤﻦ ﻛﺎﻡ ﻳﻔﺘﺨﺮ ﺑﺄﻣﻪ ....
ﺑﺪﻩ
ﺍﻷﻭﻝ ﮔﺎﻝ ..

ﺍﻣﻲ ﻣﻦ ﺍﮔﻮﻟﻦ ﺁﺥ ﭼﻦ ﻋﻠﺘﻲ ﺑﻴﻬﺎ
ﺗﻔﺮﻓﺢ ﺗﮕﻮﻡ ﺗﻬﻮﺝ ﺗﻔﮕﺪ ﻭﻋﻴﻬﺎ

ﺭﺩ ﺍﻟﺜﺎﻧﻲ ﮔﺎﻝ ..

ﺍﻣﻲ ﻣﻦ ﺍﮔﻮﻟﻦ ﺁﻩ ﻣﺪﺭﻱ ﺷﻴﺠﻴﻬﺎ
ﺗﮕﻮﻡ ﺍﻟﺪﻣﻮﻉ ﺗﺴﻴﻞ ﺣﺘﻪ ﻣﻦ ﺍﺩﻳﻬﺎ

ﺭﺩ ﺍﻟﺜﺎﻟﺚ ﮔﺎﻝ ..

ﺍﻣﻲ ﻣﻦ ﺍﻓﺰ ﺑﺎﻟﻠﻴﻞ ﻭﻱ ﻓﺰﺗﻲ ﺗﻔﺰ
ﺗﺮﻛﺾ ﻋﻠﻪ ﺍﻟﻜﺎﺭﻭﻙ ﻭﺗﻠﻮﻟﻲ ﻭﺗﻬﺰ

ﺍﻟﻤﺼﻴﺒﻪ ﺍﻛﻮ ﺷﺎﻋﺮﻛﺎﻋﺪ ﻳﺤﻠﻖ ﻭﻭﻳﺴﺘﻤﻊ ﺍﻟﻬﻢ ﻓـ ﺧﻠﺺ ﺣﻼﻗﻪ ﻫﻮ ﺍﻣﻪ ﻣﺘﻮﻓﻴﻪ

ﺭﺩ ﻋﻠﻴﻬﻢ ﮔﺎﻝ ..

ﮔﺒﺮ ﺍﻣﻲ ﺯﺭﺗﻪ ﺍﻟﻴﻮﻡ ﻭﻟﮕﻴﺘﻪ ﻣﻬﺪﻭﻡ
ﺷﻤﺪﺭﻳﻬﺎ ﻫﺬﺍ ﺍﻟﻌﻴﺪ ﻣﺎ ﻣﺸﺘﺮﻱ ﻫﺪﻭﻡ ؟

[مريم@]

اصفن ع العـمر خلصتة بس همـوم
واباوع ع الزمن وشلون جازاني
اثاري بـهالوكت ماينفع الطيب
والطيب يظل كل عمـره وحداني

واليمشي عدل ع النيه وي الناس
يظل طول العمر مجروح ويعانيِّ

[مريم@]

الى من اشتقت اليهم

صخر يطحن زماني بغير راحات
والدنيا ما ورهه بعد. راحات
جثير حباب مني بعجل راحات
وحسافه ديارهم ضلت خليه..

[مريم@]

على بالي الحجي وياج مره

وانه شكيلج من الي زاد مره

يطشرنه البخت مليون مره

ويلملمنه ليكول الزود ليه

[مريم@]

#اليبتعد عني شبر←←
#عنه راح أبعد متر←←
#بكيفه ظلت مايهمني←
#ما أحب شي بالجبر←←
#مااگولن ليش راح←←
#ومااظوج وانقهرر←←
#وما اأجر برؤحي حسره←
#وانطي لغيابه عذر ←
#ؤبطلت اقنع ظنوني←
#اليريدك مايعوفك للكبر

[مريم@]

عتبنه ع الوكت والدنيا والناس.

الخانو شوكنه وخنكو هوانــــــــا.

فتحنا كلوبنا بلا مستحه وخوف.

واجو كدامنا الجانو ورانـــــــا.

جنه نشوف كلشي وكلشي نقراه .

عدنه عيون بس مدري شعمانــــــــــه.

غدر بينا الوكت بس ماصحنا ياحيف.

انحنه ﻇﻬﺮ الوكت بس ماحنانـــــــــــــه.

اذا صاحبك خانك سهله وتهون.

بس شلون بالخــانه زمانــــــــــه