نكتنه ترابنه من الگصص ومن الثوب
اوگفنا گبالك ويگطــــــر عمرنا ذنوب
وحسبنالك الغبشه وعَرض وجه الليل
وطلع حتى الذنب من ينغفر محسوب
وحجينا اعله الصليب بجم مسيح انباع
ولكيناك بصليب المو صدك مصلوب
ولكينه الفاتحه لهسه اعله شمرة كاس
ترخص والصدف ناطورهن مغــــلوب
سلهِـــــم والنعاس يلـــــــوگ للبــردان
واليحترك ملگه يگابحــــــه الحالوب
شلك بعيّوُنّــه وما مشتريك الشوف
وشلك بزنودنٰه الما تلمس المشطوب
شبچينه بمرقدك جم كاهن وشبّاج
وضحكنالك حچي اعله الباب مامكتوب
وركضنالك وردّ الراحلـــك والضــال
وتندينه لجبينك من جنـــت منهوب
ورسمنالك شمس !گلت الغروب منين؟
اوكفنالك صبح من گلت خل نتوب !
بعد شتريد لاسمك حتى نلغي الريح
وإنهب اعله طولك خارطه ومحبوب
وليش اعله الرموش انطيج دمعة طيش؟
وليش شما ندگ تحتار بينه البوب !
وسام سباهي
رد مع اقتباس
