وفقني الله ابجرح کلش .فطن
شوگک سوالف لیل مرن علي
تونی ارد اکلمه و طر فجر و انختم
و صوچي امن الاول ماطیتک ظهر
لل مي غرگ من اطه وجهه البلم
احساسک امخرب سمعت اهل الکهف
عابر حدود النووم صایر صنم
آکل و انام امحسب ابعشرتک
و اسمع نغم مو علی تنزل نغم
وفقني الله ابجرح کلش .فطن
افنون الطعن کبرن اویا بل لحم
من الله یشتم ایده گبل القدر
و یحسبهه ذله الروحه لو.ما سلم
من چنت اجیبن ورده حمره و اجي
ایگلي چان اعلیک .جایب سهم
ابعظم الشبعتک بي اظن اطعنت
شو ظهری کل ما عصره ینگط دسم
کلشي الترید اتصیر من فضل ادي
اشگد هیبه و اتصعده الچفوف العلم
شدیت خلگي اب قوه مالت شطر
ماطلع اله اویاه روح القلم
افرش فشلتي اوساده للمنخدع
فشلت الچان ایحوف ابو و انلزم
و یاریت من امشي ابدرب بي عرف
امگاطف احجار و لا امگاطف چلم
الندم کون ایضیف شی . اندمت
یاخذ اصابع. .مایضیف الندم
يوسف الغرباوي
رد مع اقتباس
