ما گتلي الحلم عافيته يبقه بعيد
وين الگاك !!
هيمة حيل و عيونك وطن منفوس
وانت التارس عيون الحلم و الياس
گمره النوگ .. و اظنون العبي ما صلت بغيمه
سواجي احلامي بعيونك
اجيتك گوم .. وتلگاني ملگه العثره للعميان
ما گتلي الحلم عافيته يبقه بعيد .. يالمجفي
ضفاير گلبي صارن بيض گدما صيحت ''ولفي"
يالمتعوب ..
راسك من رمحهم ميل ، و مواعيد الشمس رگدت
يالمتعوب ..
الصواني اعله الشمع ضحكت
لا أندل مطر صوتك
و فلاليح الگلب بالسكته ما تقنع
من ذبلت سنابل حزني تانيتك
ما تندل مچاني وين و انا بجرحي دليتك
من سكتت محطات البچي بروحي ردت تلچمني حاچيتك
شمدريني الگمر يندل شكو ابنادم ، بس ما يندل جروحه
شمدريني الحبل نفسيته يچتفني ، الچان بظني مرجوحه
شچم شامت عثر بعيوني و أندلك
گوم وياي .. گلبي افياي
يالما ادري وين انساك ، حوافر ظلمه باگت مني چم شمعه
گالولي الدمع حرزچ .. كاروك الجرح دمعه
شتال عيوني من خضر عثگ يابس
شگگت الگلب مو ثوب ، نسوني و ظل ذكر عابس
الحِنة بروحي بچتني ، يالطيفك گصيبة
اليحب من تنثلم روحه ، عافيته بحبيبه
بشمس ضليت .. و عاشرت الضوه چي شفته من لونك
الغربة مو اظل وحدي ،
الغربة من اصد و ابچي و ما الگاني بعيونك
ايهاب عيال الظالمي
رد مع اقتباس
المشاركة الأصلية كتبت بواسطة ~ ليل البنفسج ~
