..
بعالم الخدمه الحسينيه
كلشي عدنه تحدده النيه
وآنه ناوي لكربله امشي
....
رحله من واحد محرم بادي بيها
كل سنه بذني رقيه يصب بجيها
سامع بذاك الدرب صاير سبيها
راس ابوها العله رمح يسمع حجيها
هنا اكولن طاحت ابنيه
والسياط الاثرن بيه
والمدامع تأكل برمشي
...
بعالم الخدمه الحسينيه
كلشي عدنه تحدده النيه
وآنه ناوي لكربله امشي
....
دمعت العاشك محطه للبرايه
وإني ناوي عالسفر باول روايه
المشي يعني السفر صوب الهدايه
واني باجر جايك بجفوفي رايه
واني باجر كاصد بدمعي
جايب اخواني وهلي وربعي
وبوصالك امتلك كلشي
وانه ناوي لكربله امشي
...
بعالم الخدمه الحسينيه
كلشي عدنه تحدده النيه
وآنه ناوي لكربله امشي
....
عيني تبجي والمدامع شهكه شهكه
ياعلي واتلاكه وي الضعن ملكه
انكل اجدامي واحس بروحي حركه
هسه اكولن بالدرب ترجيه الكه
وهالتراجي مال حوريه
من اثرها مبينه علويه
وياها اقطاب الأرض تمشي
وآنه ناوي لكربله امشي
...
بعالم الخدمه الحسينيه
كلشي عدنه تحدده النيه
وآنه ناوي لكربله امشي
....
بهالمسافه وعيني عالكبه مقرها
صوت اجاني وكلي ماتلكه اثرها
بالسبي لاتعتقد واحد نضرها
هاي عمتي واني بس اعرف قدرها
كلي أنه امشي يوميه
وما اعوف الاربعينيه
رايتي اغطاي والدمع فرشي
وآنه ناوي لكربله امشي
...
بعالم الخدمه الحسينيه
كلشي عدنه تحدده النيه
وآنه ناوي لكربله امشي
....
يازمن لاتعتقد زينب اسيره
صامده رغم السبي وضلت اميره
خاف مره شاهدتها بلا عشيره
باجر تشوف الزياره شكد جبيره
ومن شعاع احسينها وضيه
الثوره نجحت ميه بالميه
دربي لحد ما ينحمل نعشي
وآنه ناوي لكربله امشي
...
بعالم الخدمه الحسينيه
كلشي عدنه تحدده النيه
وآنه ناوي لكربله امشي
....
الشاعر : علي عباس الربيعاوي
رد مع اقتباس
