قصيدة بمناسبة عيد المرأة
.الي يوم المرأة
عن لسان حال المرأة
مالی احد اردسافر واخذ متاع چفن
شگدخطیة الوطن چی ماله وطن
شگدخطیة الصوت من ینحسب عوره
شگدخطیة المرأة چی مخلوقه مرأة
شگدخطیة الضحکه من تنحسب ثورة
لیش موؤدة بسمتی اندفنت بهذا العصر
لیش من غصبیتوا حگی گلتوا هذا اعظم نصر
شکثرناس ابوجهی ضحکت
او هی مو کل ضحکه ضحکه الگاع ضحکتهه گبر
لیش صبغیتوا ادیه ابدمعه مو حنت عرس
لیش بگتوا الیوم منی اوباچر او اول امس
انه مرأة انه اگدر کلشی اسوی ابشرط ارجع للدرس
لیش لبستونی لیل او انه جنسی من الشمس
ربی هم تدری ابوکتنه المرأة محسوبه ذنب
ربی تدری اعیون ناسک منجل اوطولی شلب
ربی تدری المرأة منبوذه تصیر لو دروا بیهه تحب
انه اعیش إبمجتمع اشرفهم یوصفنی ناقصة العقل
انه ضعت ابین ناس ضیعت المفتاح من جیب القفل
انه ملتهیه المن بدموع وهلی اتلم بالفصل
اخ من شیخ القبیله الطوله واصل لسمه اوبعده طفل
اخ من افکار ناسی ولله محتاجه غسل
لیش طفیتوا ضحکتی او هسه فوگ اشفافی دمعی المشتعل
انه عطشانه اعلی حگی ابسلف کل اوجوهم تنگط سراب
ابسلف افکاره عتیجه اونایم اعلیهه التراب
او قررت انزع حجابی
لیش متلبسون نظرتکم حجاب
حكیم الشبري
رد مع اقتباس
