المشاركة الأصلية كتبت بواسطة fairy touch
مرحبا لانا ...
الحقيقة الكولاجين "طش" استعماله كموضة دوائية يمكن صار ٣ سنين او اكثر.. انا من الناس جربته بوقتها اشتريت كولاجين شراب و كانت العلبة غالية اتذكر ب ٩٠ الف ..
بوقتها استخدمت علبة و نص و ما تحملت اكمل ..لأن سببلي اضطرابات و الام بالمعدة ..و هذا مو معناه انه هو يسوي قرحة او فد شي ، بس مجرد يسوي اضطراب كعارض جانبي مثل ما مرات انتيبايوتك او دوا اخر ممكن يسويها .
السبب الاخر اللي خلاني اتركه .هو انه ما شفت اي فارق ملموس بالاستعمال ..يعني تحسّين الشغلة كلاوات ..
شوفي اكو ادوية ، تعتبر ادوية حقيقية ...نستخدمها كعلاجات ..هذي منفعتها و مضارها مثبتة ...و منفعتها لا غنى عنها ..
و اكو الادوية اللي تدخل في باب المكملات ..مثل الكولاجين و الهايلورونك اسيد اللي خبصوا العالم بيه قبل ١٠ سنين حبوب للمفاصل ..و تالي لحد الان ما ثبت نجاعته بتغيير مشاكل المفاصل ..
اللي اريد اگوله اني لا مع ..و لا ضد استخدامه ..هو اولا و اخيرا مكمل غذائي ..بس علمتني التجارب انه هاي مجرد مودة تستمر تسويقيا كم سنة و تروح ..مجرد استنزاف لجيب المستهلك .
بالنسبة للجرعة ..و لأنه اكو كولش هواية انواع كولاجين و جرعها مختلفة ..سويت بحث عن النوع اللي انت مشتريته بالنت ...و كانت هذي المعلومات عنه :
بحسبها كاتبين الجرعة اليومية ٦ اقراص .
بس تكدرين تاخذيها حسب ما الصيدلي وصفها الچ ..او اقري الوصفة الموجودة بالعلبة اكيد وياها ورقة .
اتمنى كان جوابي شافي .
رد مع اقتباس
