صرت من الحلف أفحطهذا اخر ندى وبمزهرية انحط
اعلى گد نيتي واگظي الليل ادور عالشمس بالشط
...
هذا اخر ندى وبمزهرية انحط...
-
انا اول واحد مبلل يخاف من المطر
بات في جوفي وفي جوفي جفا
غصت في طيفي وفي طيفي طفا
جمره ثلجا وفي جمري طفا
أنفي فارقني وفي نفي نفا
ماكفا نفي وفي نفي نفا
لونه عيناي رؤية لونه
حاشا أن انسى وأن ينسى حشا
مفترق ماكو بطريقك
بكل اشارات الدلالة انكتب اسمك
الدنيا كلهه مراية صارت
وين ماصد الگى شي يعكسلي وجهك
حتى من ليفوگ اباوع الگى غيم الله ملامح تلتم وترسملي رسمك
لنت أه بحسرة أذبهه
ولنت دم يجري بوريدي حتى اجرحني وانزفك
الك كل الطرق أدت
عندما انقطع بيني وبينك الصوت
لم أخذ سكوتك على محمل الموت
ولان صوتي ذهب أدراج النياح
اصبحت اتحدث مع الاوراق اكثر من البشر
ولكن عندما يصرخ الحنين فالصمت يجب أن يجب
فطول الفراق سيفقدني ماء قلبي ما أقل بي
احتاج أن اصيبك بنظرة دقيقة ولو بمقدار دقيقة
احتاج ان اراك لمرة ثانية ولو بمقدار ثانية
احتاج ان اراك بالعين المجردة من الحلم
احتاج ان ادنوا منك قدر الادمان
قلبي كان عليك ان تكتب تنويه عن كل شيء تنويه
ففي اعماقك عشقا رباني لمن رباني
حقا انا لم ارى شخصا ابي مثل أبي
تبا للتاريخ الذي يعيد نفسه ولا يعيدك معه
الله يرحمني بحياتي
والبقية انت بمماتك
وكل موت وانت بخير
الليل بعيوني انتجى
وصوت اسمك ابالي انحجى
ومدري ياعين البدت بية البجى
للنوم جن رايح حرب
مثل اليعارك مايحس
من خلصت ليلي الصبح لاگيت روحي مدججة
من يستطيع ان يخرجك من اعماقي وانت تسكن في الدرك الاسفل من القلب
حرب العشاق تبدأ بتبادل اطلاق الانظار
والطرف الاكثر ضعفا هو الذي يستشهد خجلا
لم اكن اعلم انهم استبدلوا النظرة برصاصة
كان على اعلامي اعلامي
ابيتنا امراية قديمة انكسرت وكسرتلي گلبي
گبل خمس سنين اذكر بيها طالع وجه ابوي
وجه ابوي الله يرحمه استغفر الله هواي زحمه
وانه بالقرأن اذكر وجهه مو مرحوم رحمه
رأيتك فاصبحت انا لا ادري من اوحى لمن
في يقضتي او حالماً
لا ادري من اوحى لمن
ماذا لو افقت الان فهل يا ترى ترى
شرد اگول هواي بية
اتواردن بيبانك وجف الفقير اگبال وجهي بمغربية
ضكت الدنيا علية
جني مرجوحه جهال ابيت عاجر حتى لو انباگ مايدرون بية
والمصيبة بروحي تنزف والتكتلك جرحي ناشف جرحي شايل نرجسية
انا شايل مستحى المحد خطبهه
المن تريد تناجي ربهه تگله ربي وتستحي تكمل طلبهه
انا المبلل غياب وخايف اكثر لو كثر
انا اول احد مبلل يخاف من المطر
انا اول نورس يبين حدادة وسمته غراب البشر
انا اخر كلمه نقطة وينذبح راس السطر
النية كتالة الصدفة
الحلم ذباحه السهر
ويا جف الينفض غباري وانا ذكرى بلا صور
ماعفت نيشان بيهم جني طعنة بلا ظهر
صوتي مايوصل سمعهم صوتي قوس بلا وتر
صوتي ساعة وبيها عايش ميل واحد كال وكته وگبل ليكمل عثر
الجفن مو للروحة ماتت لليموت من القهر
عشت عصة بلاية موسى وكلشي گدامي بحر
عشت حل بلا سؤال اوراق خضرة بلا شجر
جني صوغة بلا زيارة يضيع طعمي بلا سفر
والله لو اكتب تفاصيل انتظارك اترس الدنيا حبر
والي يعرف راح يودع مايمل من ينتظر
الشمس تكتب وصيتها العصر
وهم اشوفك جاي اشم ريحة امل
يالفرگتك غربة يالملگاك اهل
گلي لو زعلان اجيلك والله اراضي الدنيا كلهه المازعل والي زعل
اي مجاعة شوگ بية وفقر ملگه وطف حنين وتعب مگيود بسبي
كلي ياحوت شدعيت والله سد جوعك نبي
كون الف حظني اعلى روحك
مثل ما لفت حظنهه اعلى الشريفات العبي
همسة مو صوتك تكفي تسد طمع سمعي وحنيني وتطفي دمعة مغربي
نملة سليمان نملة ومن حجت ضحكة نبي
اوج واليمي مايدرون مثل شمعة صبح روحي
مو اعمى وكمت ماشوف بس يمكن طفت روحي
(لاكن ميزة بالقرأن مايتجود الانجيل)
تذكره السفر الى الله هي الصعود على صهوة دعاء مستجاب
وعندما حاولت ذلك طحت جن طيحة دعاء ما مستجاب
دگة قلبي احسهه تصير جن مطرقة قاضي وشاف قضيته تمردت عنه
على المابي حرف مطروق موشاعر غزل بس جان بدعاءه يغازل الجنه
حفره گبره جرح الكاع وضماد الجرح منه
نوراني الجرح والروح
قنديل ابطن قنديل
المسافة من العرش للگاع دعاء امه وسفر جبريل
وشگد شالت اسمك ناس فهت يمي وانت المقصود
قصدوك اسمعك ترتيل
بس جان النفس لحروف يفهن ليش؟ اريد افهمهه بالتفصيل
صح كلهن حروف الله لكن ميزة بالقرأن مايتجود الانجيل
الجرح بمراية يعكس لون لكن ماكو دم يسيل
انه ضليت اشك بالموت جن شك اليتاني بميل
جني بلا اسم مخلوق مايندلني عزرائيل
ميت بس يتاني يموت
انا حزني انقرا بقصتين
العمية الفاگدة الي تصيح عمت عيني انعمت مرتين
الرسايل والحجي المكتوب وطعنات النقط بالروح اقل من حرگة ضلوعي
اريدن شي يخط الماي اريد اكتبلك دموعي
كل ممنوع احس مرغوب ولان بس انت رغبك صار كل مرغوب ممنوعي
(اوج واليمي مايدرون مثل شمعة صبح روحي
مو اعمى وگمت ماشوف بس يمكن طفت روحي
لوعدهه كرامة تموت جسمي يطرد بروحي
الجلد من يبتسم مجروح گامت تضحك جروحي
مو بالكيف اقنع الروح وبضحكاتي اغافلهه
ترى المراية ماتختار الوجوه التگابلهه)
صرت من الحلم أفحط
هذا اخر ندى وبمزهرية انحط
اعلى گد نيتي واگظي الليل ادور عالشمس بالشط
أيا روحي سلي جفني أباكي
وقومي واندبي وانعي اباكي
اغراكم هدوئي ام سكوني
انا اتداعى سحقا امسكوني
كبحر تسكن الغرقى بقاعي
كأرض تملىء الموته بقاعي
ندى عيناي يحكي ترجماني
كفى بالدمع رجما ترجماني
كفاني بعدهم احيا كفاني
دعاني امضي في القبر دعاني
السهر هو الشيء الذي يقطع صلة الرحم بين جفون العين
الليل بعيوني انتجى وصوت اسمك ابالي انحجى
ومدري ياعين البدت بية البجى
للنوم جن رايح حرب
مثل اليعارك مايحس
من خلصت ليلي الصبح لاگيت روحي مدججة
ياهو الي يقراني بعد
خلوني يم الماله جف جملة بجريده معقجة
بصياد حنية عشت مكروه جن گاطع رزق وبسبتي روحي تصوجة
صور الفرح المعلقة على جدار مهجور هي ملامحه الكاذبة
عدم بقاء عطرك في بيتنا لايعني جفاء منك الغايب عطره وياه
كما ان الموت لا يقف عائقا بين سمعك وصوتي
فأثبات الموت لا ينفي ماعداه
اذكرك فتفقد ملامحي الوانها
فتنتابني (غصة) فتتكفل بتلويني ثم تلويني
مو بردان بس باردغصة بروحي طلعت صوت
هذاگ اليطلع من الماي لو اثگل حجر بي غط
صرت من الحلم افحط
هذا اخر ندى وبمزهرية انحط اعلى گد نيتي واگظي الليل ادور عالشمس بلشط
عشت خنگة ظفيرة شلون افلن روحي واتمشط
مو بردان بس بارد
الثلج من يعرگ يخلص
واضل بية نجة روح الندى منيطيح اگله ونص
وان كان القمر شاهدي على ما اقول لليل
ياگمر بس ردت اكلك للعلم بعده صار الليل مايسوى حلم
رد مع اقتباس
المشاركة الأصلية كتبت بواسطة ^_AHMED_^
