هنا

[فقار الكرخي]

احساسي يم باب الزجيــــه
والطم ماعــــــاف اديــــــه
من محرم لليالي الفاطمية
— — —
تعلمت من هالمجالس
ثاني طف ابالي
وبين نارالباب خيمه
وعطش يتراوالي
وابجي للزهرة الزجيه
والطم أعله الغالي
حسين بيبان المحنه
وفاطمة دلالي
—
حسين ابويه وانه أحبه
واشكثر منطيني گلبه
من محرم لليالي الفاطمية
— — —
حسين عودني على بابه
شماردت ينطيني
وعمري جلمة من المنابر
والبجي محليني
سنيني كلهن فاطمية
والله گرت عيني
فاطمة قبلة دعائي
وخيرها مكفيني
—
فاطمة كل خيري منها
وترضه عاليخدم أبنها
من محرم لليالي الفاطمية
— — —
عندي فاطم ريحة الله
وبالسمه حجاية هله
بلايه شك باب الزجيه
الباء باء البسمله
وعلمتني الدنيا غربه
والوطن بس كربله
ومن صرت خادم لابنها
انطتني رفعه ومنزله
—
بالخدامه عندي واهس
عمري يخلص بالمجالس
من محرم لليالي الفاطمية
— — —
الله لايحرمني خدمة
فاطمة طول العمر
من عسه مكسور ضلعي
ولا ضلعهه المنكسر
تبت أيد الماعرفهه
ومن حرگ باب الصبر
مادرة الزهره نبضه
أبگلب حيدر تستقر
—
فاطمة حنيه عندي
ودمعه ليليه أعله خدي
من محرم لليالي الفاطمية
— — —
وانه لو ما ماي عيني
ينزل بهذا العزاء
الله ماخله ويه طيني
تراب من طف كربله
شعندي غير حسين خيمه
تعلمت بيها الوفاء
والحواس الخمسه عندي
همه اصحاب الكساء
—
والحزن مبدء هويتي
والطم اصبح قضيتي
من محرم لليالي الفاطمية
— — —
أسنيني لو ماهالمجالس
كل طعم مابيها
الغير لطمت صدري أيدي
المن مخليها
اي وحق هاي العزيه
البلنفس شاريها
ابقبري هم هاي اليالي
الفاطمة احييها
—
ابكل مكان مسوي مأتم
الهسه اشم نار المخيم
من محرم لليالي الفاطمية
— — —

محمد العقابي


القاء باسم الكربلائي

[سمراء من قوم عيسى]

احسنت النشر

[Haidar Iraq]

جميل ..