ترجف خوف اصابيعك
تنــوي….تــنام
ويبزّك
حنين وشوگ……مدري منين
ترجف
خوف اصابيعك
يرجف
خوف كلشي البيك…..مدري منين
صوت
من العدم
مستاهده…يوعيّك
صوت
من ال زغر
مستاهده….يبچيك
تركض
حافي…لل شباچ
تبچي
تحلّف.… ال شباچ
هذا
الصوت……….جاي منين
هذا
ال خوف...
نوبات الخدر
ومخاذف القمصان…
كل هاي
الاغاني ال تعصر…جروحك
كل
هذا الونين البايت…ب روحك
كلشي
البيك وال…مابيك
كل هذا…...ال رجيف……منين
يضحك
ضحكه صفره
گبالك….ال شباچ
يرسملك
خضار وماي
يرسملك
فخاتي وتوهن معرسات
بستان
ومدينه
وشارع……شگد…نااااااس
وانته
هناااك
انته هنااااك
واگف وحدك بلا……ياس
وانته
هناااك
واگف وحدك بلا…..راس
يضحك
حيل
حدما يفحط….ال شباچ
يضحك
حيل
ويسيح
النده اعله…….ال جام
وانته
هناااااك
حيل….هنااااك
لَسه……...هناااااك
واگف
وحدك بلا راس
وبلا رااااااس………تنوي تنام……!!!!!!
محمد لفته العماري
رد مع اقتباس
