الله لايحرمنا من هاي الزياره
الما يروح لكربله عمره خساره
هالزياره اليعتقد ما إلها قيمه
يعتبر وي الشمر حارگله خبمه
يحضر ابهــالأربعينية العظيمه
لأهله يرجع راسه اعله من المناره
تزور اويه كل خطوه
يصيح حسين إلك تگوه
ترد سلطان
تعيش انسان
بشر يسوه
__________________
قبل لا يگضي العمر زور ابسلامه
حته توگف وجهك ابيض بالقيامه
ينفرش گبرك ابريشات الحمامه
مايجيه الدود وحسين ابجواره
احضره وبـ الگبر يحضر
شفيعك ساعة المحشر
يجيك اهناك
ولا ينساك
ابو الاكبر
_________________
يعطش ابدرب المشي وميضوگ گطره
ابوفاضل بالحشر يهديله مطره
تسوه كل الدنيه من عباس نظره
معزب ويتلگه زواره ابحراره
رغم ما گطعو اچفوفه
ابنگلته أتسولف اضيوفه
تصيح الناس
هنا عباس
ضوه انشوفه
__________________
جنة امي وشالت حسين ابحضنها
واليريد الجنة خل ايزور إبنها
الزهره بين الحرمين إيهل جفنها
اتسجل الزوار وتقدم البشاره
علي وياكم تگل الكم
تجي الزهره وتسجلكم
يهل تمشون
اجر مضمون
ابشركم
__________________
كلمات الشاعر رفعت الصافي
__________________
كتـاابة Zahraa Al obaidi
تحميل او إستماع mp3 هنا
رد مع اقتباس
المشاركة الأصلية كتبت بواسطة ضياء المالكي
