هنا

[فقار الكرخي]

اغسل عيونك بالصور من تشتاك
ورتوي بصورت شوفته المايسئل

رضيت روحي بسالفه يالله تهون
وعلمت جرحي يعيش مثلي مدلل

وانا ادري سالفت النهر رشكت ماي
تمطر الدنيا اوجهه ما يتبلل

اركد اليثكل ينحسبله الف حساب
فشله البنادم يصفى مثل المغزل

دور ابنادم لابس الدنيا اردان
ايبدل قميصه اوطبعه ما يتبدل

طبع العيون الماتحبك تندار
مثل اليتيه سالفه ويتفشل

موشرط كاشخ وجهه الانسان السان
وادمنه تكشخ بس حجيها مبهذل

اعثر وتسمع صوتهم حل وياه
ربع الضحك ماتبجي وكت المقتل

وهواي بيهم مونبي يطيح بجيب
الجيب بير الصاحب المايندل

وبالك ادور عفيه من تزرع خير
المهم تسكي الخير عن لايذبل

عودت جرحي يصيحلي من يميل
ميلت السنبل فرصه عد المنجل

اطيت رجلي الصاحبي من حتاج
ومن مشى اوياهم كال عفته مشلل

مدري شجاني تعودت عالمغلوب
عاشرت وادم زينهم ما يخجل

البدوي ذل الكصب من عاف الهور
مو كلشي عاشر ماي صار مبلل

اسئل البدوي ليش رافكت النوك
يكلك طبعها اوياي ما يتبدل

واشكل عليٍ بس لاتضن عندي جناح
الفلاح عكس الطير من يتشكل

دورت صاحب كبل لا طيح يطيح
ماريده بس بالفاتحه يتهدل

كبل الملح دور ابنادم مملوح
لو سمع منك سالفه يتقبل




مصطفى العيساوي

[Haidar Iraq]