تك تك تك يا ام سليمان، تك تك تك زوجك وين كان؟ تك تك تك يترس جيبه، صاير عضو برلمان.
ياخذ رشوة عالتعيين، يبيع الوظيفة بشدتين، واذا الوظيفة زينة، السعر بكدها مرتين.
تكتكتك يام سليمان، تكتكتك زوجك وين كان؟ تكتكتك كاعد يخمط، صاير عضو برلمان.
يقبض راتب بالشدّات، حوافز ومكافءات، كل هذا وبعد عنده، كومة عقود واستثمارات.
تكتكتك يام سليمان، تكتكتك زوجك وين كان؟ تكتكتك كاعد يخمط، صاير عضو برلمان.
صاير يركب سيّارة، أسرع من الطيّارة، مصفَّحة آخر موديل، متأثِّر بيهة الغارة.
تكتكتك يام سليمان، تكتكتك زوجك وين كان؟ تكتكتك كاعد يخمط، صاير عضو برلمان.
هذا الشباب المكرود، رح يطفر على الحدود، من الكلية تخرّج، الدرب بوجهه مسدود.
تكتكتك يام سليمان، تكتكتك زوجك وين كان؟ تكتكتك كاعد يخمط، صاير عضو برلمان.
المواطن العادي، صاير يصرخ وينادي، البطالة دمرتني، جوعت مرتي وأولادي.
تكتكتك يام سليمان، تكتكتك زوجك وين كان؟ تكتكتك كاعد يلغف، صاير عضو برلمان.
وضعنا صاير تفليش، حكمو بينة اهل التحشيش، قفلو علينا الدومنة، واخذو من عدنة الدوشيش.
تكتكتك يام سليمان، تكتكتك زوجك وين كان؟ تكتكتك كاعد يخمط، صاير عضو برلمان.
لا خدمات ولا انتاج، كم جوعان وكم محتاج، واللي يطلع يتظاهر، ينذبح مثل الدجاج.
تكتكتك يام سليمان، تكتكتك زوجك وين كان؟ تكتكتك كاعد يخمط، صاير عضو برلمان.
ـــــــــــــــــــــــ
هذيان قلمي بعد منتصف الليل.
رد مع اقتباس
المشاركة الأصلية كتبت بواسطة المنسوجة من خيوط ضوء القمر
