كلها گلوب مهجوره !
ولا واحد تدنالي وعرف دوره !
شلي بمدتهن من ابعيد
وادري جفوفهم بالشدّه مبتوره !
اعله صورتهم الحلوه شكثر شوف انطيت !
ومن صارو بعيني انشگت الصوره !
بعدني استاحش من الفي
ودريت الشجره من تموت
حدر الشمس معذوره
وبعدني اكره شكو شباج ما يضحك لليزوره !
يروحي بجم علگ شدّوج
وانطيتيهم اليردون بس عثرو بالنذوره !
شفك الهم عمر ياباب
حتى بعينهم يوگف ؟
وشسافر وشرخصها الريح
اذا بيها الحجي إتسولَف!
جبت ظلي
من اليعثرون
والماعدهم مرايات
والشربو تعبهم من نهرهم جف !
جا ومنين ارد كلشي ؟
صرت گنطره وحتى الطيف
فوگ من الضلع يمشي !!
هلي غربه
وغريب آنه اعله كل جناز راد يشيلني بنعشي !
وين امي العزيزه الما عرفها منين
وين الهزت الكاروك
وين ام البچي اوين الدللول
تراني بكاع صبخه لهسه مشتول
تفوت الناس يمي ومدري شتگول
ابنج باجر تشوفينه مچتول
#وسام_سباهي
رد مع اقتباس
