هنا

[بهلول الرشيد]

چنت مرتاح بالي ونايم الليل
وچنت مثل الغزال بنص بريه
واحس گلبي رقيق ويعشك بساع
واخاف على الگلب يتعب خطيه
اتيهن لو شفت وسعات العيون
وشوف شفاف ريانه وطريه
ولا فكرت باچر من يجي شلون
واذا باچر يجي اني شعليه
شگد مرت جروح وماگلت اخ
والم جروح عمري بمزهريه
واحس عمري حديقه معطره بشوگ
واخاف الورد يذبل بين اديه
اشو كلشي تغير صار مگلوب
ومدري شلون شو دارت عليه
دوخني الوكت ومكامش وياي
قصه قصتي واصعب قضيه
صح عندي مره بس ماتكفيت
ومن گلبي رجف بيتت نيه
خذت امي وابوي ورحت خطاب
وشفتهه معدله وحلوه البنيه
ولافكرت باچر شنهو اليصير
احس نوم الوسط لايگ عليه
وماريدن اطول صارن اثنين
ومن كثر النگل خدرن اديه
حرب حمره بدت ماتخلص بيوم
واگول الصار صار وهاي هيه
يمه وشورطاني من سوده عليه

[بهلول الرشيد]

يوميه المناگر تارس البيت
طحت باثنين راوني المنيه
اقنع هاي وحجي وياهه بالذوق
ترد الثانيه وتزعل عليه
اخافن وحدي ابات وموحش البيت
واروح هناك ذيچ مچلبه بيه
اشو نوم الوسط اكشر طلع ليش
حيل وياي كل هذا من اديه
بعد لاراتب يلحگ على السوگ
وحتى الراتب يگلي خطيه
صرت محسود عندي اثنين نسوان
ولا يدرون صرت انه الضحيه
ينشدوني الربع عن حالتي شلون
تره بالضيم يالتنشد عليه .
وشورطاني يمه وشورطاني
من سوده عليه

[كبريائي قاهرهم]

رووووووووووووووووووووعة
عاشت ايدك اخي العزيز
نورت الشعر الشعبي
نترقب القادم من جديدك
ودي وعبير وردي