هنا

[فقار الكرخي]

بيه نار
وبيك نار
والثلج ينزل نوارس بيض والشبكَة جرف
الدنيا أزغر من فرحنه شبيك تيهت العرف؟
مدري ليش بنص الولايات احس روحي غريب
ومن اسافرلك قصيدة تنترس روحي وطن
بالجذب سيّر على الصفنة حلال
وأفرش بعيني حلم
يمي ناس, وما أشوفن يمي ناس
الضحكة اذا تزرعهه يمهم ثاني يوم تخضر دموع وحرب
لو تجيني وتمطر بروحي حضارة.؟
لو أجيك وشايل بجفي درب
السما عدهم خراب
والسما العندك سما
والمطر ينزل عليّ بي ناس موته
جيبلي شوية حياة
الله يعلم ...
كل نفس يدخل بريتي وما هو انتَ ,, هاي احس بيهه خيانه
وألله يدري...
بكل حلم غيرك يجيلي روحي تندهني وأفز



م

[ايليتا]

اوف منك فقار ... أشعلها للنار هي ناقصه
سلم الذوق يا متألق دوما بانتقاءاتك

[سمراء من قوم عيسى]

انتقاء جميل

[لؤلؤة]

حلو فقار

[Haidar Iraq]

[فقار الكرخي]

نورتو