ومضات لكبار شعراء العراق
كاظم_اسماعيل_الكاطع
الغار جيب الجبل
وشكد كريم الجبل
من جيبه طلع نبي
...........
آنه منسي .. إمعلٌك إعله إرفوف صبري
وحتــى صار إتراب بيــــه
عبد_الاله_منشد
…...
شركتني بغير ضوگ
طيح عل يهواك طيح
كبل لا تبيس حلاتك
وانت فوگ
...........
من بين جرفين العبايه
الممتد من عيونه لحد الحجل
اجمل نهر
سعدون_قاسم
ابد لا تنفعل وصيت الرموش
يمايع بيد اديه ياطيب الانفاس
نام انت عوافي تغطه بالروح
وانه اغزل للصبح بخيوط النعاس
....................
ما اصدك حت لو اجيتو وكعدتو
عيوني احس بيهن غشه وما اكولن انتو
نعمه_مطر
نصن بالبواجي الليل مسموع
انه ماي وتبده شنفع الدموع
شنهي الفايده والراح شو راح
تغطن ما اريد الزيج مدروع
ابوجن لا رهل .. لا خف الجدام
يشد بطنه اعله ظهره ابلفحة الجوع
......................
البلبل الما صدح
خم ريشه تلكه جروح
عبدالكريم_القصاب
موعن فرح من أبتسم .... والوجــه منّي آيورّد
جـم بلبل بداخل قفص .... مسجون بس آيغرّد
..........................
الفار من يحفر جحر دافي بجبل ،
يشعر بنفسه أمير .
ايشوف بعيونه الجبل كلّش زغيْر ،
وتالي في جحره يموت ،
والجبل يبقى جبل
الشيخ سعد_محمد_الحسن
لا تقفل قفل وتحسبه مامون
اذا ترهم عليه كومت مفاتيح
...............
يبو جناح الشمع متعلي وين اتريد ؟
تدگ باب الشمس چنك ، غشيم انته
ويبو سنون الخشب لا تعض چف النار
طفو سنين الخشب لو هفته وكتة
فاضل_غضبان
يا دهر تركض علي انه شوراي
لو ثخين الفي علي ما سومرت
..................
ثاري الماي من جواي يجري سنين
حافرلي نهر لمن طحت حسيت
كريم_راضي
ازعل خلي اشوف اشلون يصعد للخدود الدم
........................
دورة اعيونج جزيرة...روحي شط اجرافه شوغه ومايه حيره
روحي لو يكبر حزنهه وتمطر الدنيه عذاب
ابّين ادّيچ اتصير ليرة
غني_محسن
ماعندي حمل يطشر بريح
اجودر وين ماذبتني دنياي
وسط الناس اضحك ضحك خالين
بس وحدي من ادمع انكلب ناااي
....................
لو ماي اعبره ابلم
بس ليل شيعبره
علي_راضي_الساعدي
صحيح الينتچي اعله الماي خسران
مثل تچوت الضالم ع الماسكين
من شفت اللقيط يهزله فنجان
رحت للبيت كسرت الفناجين
..................
سندباد انه بمكاني
ابحر بموجات فكري
وابد ما محتاج نهرك
بكل مسافه الموج مهري
ما اموت .. وعقلي ماي
بكل جسم تلكَاه كَبري
نجم_اللامي
يا عيد المن تجي لو ما تجي احسلك
بيت الدخلته غلط مو ذاك بيت اهلك
..................
سيف_العبادي
الموت نكته...شما قوت گدامي أّموت من الضحك
....................
عادل_الدراجي
فصلنه الخبز دشداشه للعيد
وكلينه هدومنه وما عيدينه
رد مع اقتباس
