حسين عنك رايحه .. رايحه .. رايحه
_____________________________
امودع الله وچلمة الخوه امانه الليله يمك
ظلت بگلبي وانه اعله الناگه كون انزل واشمك
موش تنساني يبوسكينه يخويه ابداعة امك
ادعيلي يالگلبك حنين
كون ارد بالأربعين
خويه يمك كون اجيم النايحـه
حسين عنك رايحه .. رايحه .. رايحه
_____________________________
حسين راح امشي واعوفك ظال وحدك عالترب
اهون من اختك يخويه تمشي وي وادم غرب
عيوني تتحمل افراگك بس شسوي لـهـالگلب
يگلي ظلي ويه الوفه
شلچ بدرب الجفه
گلبي شوگك ذابحه
حسين عنك رايحه .. رايحه .. رايحه
_____________________________
حسين راح امشي واعوفك نايم بحر الضهر
حته ماچلبت بيه ولا گلتلي ليا كتر
چنه ما عشنه سويه ولا گضه وياك العمر
ظلت اعيوني عليك
عاد بس أشر بديك
تلگه روحي بكتر روحك طايحه
حسين عنك رايحه .. رايحه .. رايحه
_____________________________
ياعمر عشته ابدلالك ضاع ماچني عشت
هاي تاليها العزيزه البارحه ابهيمة بتت
حسين من ركضو وراي بركضتني بصفك فتت
حته ماحركت أديـك
وآنه منتكله عليـك
عليك يوم الي عبرتك عيني ظلت شابحه
حسين عنك رايحه .. رايحه .. رايحه
_____________________________
حسين ردت اوياك اظلن بس شمر گـلالي مات
ماتت وياك السوالف والعشگ والذكريات
بعد لا تحلف ابخدري لايذه ابسد البنات
حسين چم مره متت
مالت الله اتبهذلت
شاشتكيلك عين خصمك جارحه
حسين عنك رايحه .. رايحه .. رايحه
_____________________________
كلمات الشاعر ~ حيـدر الحمـداني
_____________________________
كتــابة Zahraa Al obaidi
رد مع اقتباس
المشاركة الأصلية كتبت بواسطة هيثم الغراوي
