سهم فراكهم للكلب عرجه
هلكني ومن الاحمر نشف عرجه
العمر ماي وصفه اعلى متون عرجه
انچفه وما ضال حتى اركاد بيه
نار لوجت بروحي لطفها
بسبب ماغزر بربعي لطفها
وفيت اللهم وفه زينب لطفها
بكباحت حرمله ردو عليه
شكثر طعنو گفاي وگلت مو عن
قصد .. يا باردات الگلب موعين
صُفَت ناگوط حِب بالليل مو عين
صاحب صاحب تنگّط عليّه
ياهو بگد معاناتي يعاني
طحت محد نگل حملي يعاني
عميتي وبعد شيفتشچ يعيني
اذا يوسف وابوه مافاد بيه
الحزن نام بطرف جفني وكحيل
عيوني والجرح جاهل وكح حيل
كمت من الجكاره انهت واكح حيل
لحد ما بان لون التتن بيه
ابصباح اتبوس اديه ،، والمسادين
غيري وگتله تگرب ،،والمسادين
انحچه يم عرب ضيمي ،،والمسودن
وعى وگام اعله حيله اوبچه اعليه
أوعلي محد جراله مثل. ماصاب
الجرالي وطرف عيني الغير. مأصاب
الكهوجي أبعمره أليه أثنين. ماصاب
أبـكثر مــاترعش أبفركاك أديــه
رغيّـفك شـح غزانــي الــعوز. واچال
عله راسي وچل حماده غديت واچال
كتبت اسمـي وخفت لا جـوع. واچل
حروف اسمي وهلي يتيهون بيه
سهامه بوسط لب حشاي. جتال
هجر ونمرد عالدلال. جتال
وعلي جني صرت بجفاك. جتال
نبي وربك حقد شايل عليه
يـ دنيـا شعندچ من هموم. ضـهراي
غديت اگدر اشوف نجوم ضـهراي
ابـكـثر ما عالخناجر طاف. ضهراي
اعتـــقد مـتـوارد الــغـربيل بية
رد مع اقتباس
