هذا حالك حتى وكت العيد تبجي
لان عاشوري الملامح -- الهيئه دمعه تلبست بالروح عبره
كافي من لون التصنع - تنفضح --راجع احساسك -- ليش تضحك
مايلوك ويالسمه قمه ضلام - وليل معتم اتشيل رايه بلون اسود - تنمحي تروح الكرامه ----
لاتاحاول تدخل ابستان عنوه --
وكاع صبخه بداخلك دمع اليتامه
اعترف قر بوجودك انت الله مكونك مثل الغراب -
ليش تتصنع ترافه منيلك روح الحمامه -
انت مينت بالولاده -- روح اقراهه الشهاده
الوفاه جانت سببهه حاولت تبني ابتسامه-
روح عيش بمكبرتنه عليك ترهم
موت -- برزخ -- وحشه ياليل وظلامه
هذا تاريخك عرفته - بيه شبه من العراق
ينطي روعه بكل صفاته نسخه من يوم القيامه-
وانه - انه ما برر حياتي نعم بيهه احزان كثره -
بس حزنه هواي يفرق --
يعني مو طبعي الخيانه
وابد ما انسه النسانه
هيجي ابوي العلمانه --
كال عيش ابلا تصنع
وبالقسملك الله اقنع -
حاذر تعاشر غني تحس بمهانه -
وحاذر تعاشر فقير ودون منك راح يصور
اذا ياكل ابيتك انت تتصدق عليه يروح شانه
كلشي خليه بمكانه-
خلي وكت العيد فرحه
حت لو ميت عزيزك من تعيد الناس هو يطب جنانه --
----------------------------------------------------------------
رد مع اقتباس
المشاركة الأصلية كتبت بواسطة بهلول الرشيد
