هنا

[أنثى حائرة]

هالسنة اول سنة لي بكلية محتاجة نصائح علمود شلون اتعامل مع بنات شلون اعرفهن زينات ..مع احترامي اكو بنات منافقات والشخص بالبداية مينعرف شخصيته او الي بداخله شنو... بعدين بالايام ينكشف بس اخاف ...شخصيتي هادئة و ما راح اختلط بالشباب
بلا زحمة الي داخل بالكلية نصائح عسى ولعل تفيدني وما انساكم بدعاء

[شيفرة دافنشي]

اكتشفي بنفسكِ ... هذه نصيحتي لكِ .. وفقكِ الله

[^_AHMED_^]

طيب يا انثى ...
بداية دخولك للجامعة راح تشوفي ناس كثيرة وطالما مجتمع
جديد راح تنعجبي بكثير شباب وهذا امر طبيعي جداً المطلوب
من عندك انو اول فترة تكوني اجتماعية تتعرفي على اكبر قدر
ممكن من البنات وتبدين تميزين الشخصيات بعدها شوفي يا هي الاقرب الى روحك اجعليها مقربة وممكن ترتاحي لاكثر من وحدة سويهن كَروب والبقية على كَد السلام .. وديري بالك من النفاق
والغيره فهن يدمرن العلاقات كذلك حاولي تبتعدي عن الشباب قدر الامكان وايضاً ابقي على كَد السلام والي ترتاحيلهم كوني علاقة صداقة طيبة وياهم ولا تهتمي للكلام كثير لان راح يوصلك حجي عن نفسج انتي نفسج تستغربين من نفسج وشكرن

[مريم@]

لا تفشي سرك لاي بنت
الى بعد ما تعرفينهه وتعرفين طبيعتهه شنو واختلطي هواي بالبنات حتى تعرفين منو المضر الج ومنو الي تستحق تلتقين بيهه يوميه
اكو اشخاص مجرد تنظرين الهم تعرفين شخصيتهم اكو غامضين واكو هواي شخصيات راح تلاكينهم بالجامعه بس ارجع وانصحج لا تثقين باي وحده

[fairy touch]

مرحبا ..
عزيزتي ..الجامعة مجرد عالم مصغر للعالم اللي عشتي بيه عمرك كله ..لا يخوف و لا يقلق و لا اكو داعي الواحد يتخذله احتياطات خاصة ..
خلي قاعدة وحدة بس ، انه كل العلاقات خارج محيط الاسرة هي علاقات مؤقتة مهما طالت ..و ماكو داعي نكون عاطفيين جدا و نعتبر تكوين العلاقات المتينة اولوية بحياتنا ..بعدها اتركي الامور تجري طبيعي ..
و لابد من دروس و بعض العبر بين آن و اخر ..ماكو شي يمشي مثل السچينة بالزبدة ..اهم شي ما تكون الاخطاء خطايا ..حتى نگدر نسامح انفسنا و الاخرين .
بالتوفيق و المتعة الجمة في اجمل سنين العمر .

[رمـْـْْـْــــــــآڊ]

الجامعة .. ارقى الاماكن التي يمكن ان يصل اليها الطالب هي ثمرة الـ12 سنة
فيها السيء والصالح كـ الحياة الطبيعية الا الفرق انها معرض للصداقات الجديدة والتي تضم حواء وادام في طبق واحد
نصيحتي المتاخرة لك: كوني سطحية مع الطلبة لمدة شهرين او اكثر الى ان تتولد لك القناعة بان هذا الشخص او الفتاة مناسبة لصداقتك ... بالتوفيق

[didi]

اللي كالو الشباب سابقا يكفي ويوفي
وااكد على شي بعد حتة تعرفين اي وحدة من الصديقات صارت اوفى الج
جربي انطي كلمة معينة او سر معين ميهمج يوصل لاحد او لا المهم سر
حتة تكدرين تعرفين منو تستحق تكون قدر الثقة
والا بالغالب محد يستحق ينوثق بيه خاصة بالبداية واغلبهة وراقبي اللي تدافع عنج بغيابج منو هذا شي مهم تكون عندج هيج رفيقة لان بالكلية محد يسكت بالاخص نهاية المرحلة الاولى وبداية الثانية
وانتي ايضا بالمقابل شوفي منو الانسانة اللي تستحق توفيلهة
وخليج خدومة وساعدي الكل حتة لو تتضايقين ومعليج بالكلام اللي يگولوه
موفقة عزيزتي
المفروض هسة بهالوقت عرفتي اغلب الطلاب والطالبات شنو

[NO OR]

الله يرزقني حيرتج

[صلاة الحب]

عيشي حياتك احلى ايام العمر في الجامعه

[ابراهيم حسن]

اشتري لاتبيعين يعني كوني كتومه باسرارك الخاصه