(شما ثگلت عليّـه براحتي انفضها )
واليشدها الصهيل بسكته اروضها
فاتت والفرص ما ركضت اويه الغيم
انه التفلت من ايدي بساع اعوضها
اضمهن والسوالف تلجم من اتموت
والما تنحجي لوجه الله افوّضها
عيوني الشابحه ايطيحن بكل مضموم
والتفشل اشفافي استحيف الفظها
ما تاهت إجدامي شما دربهن طال
وشما سابگت بالممشى اريضها
مرات التضمها يبوگها الناطور
النواظر من تندهك لا تغمضها
حطلك راي واحد لاتظل مشدوه
والچلمه التفيدك يمهم افرضها
استعز بواهليتك واقرى وجه الناس
اذا مابي صدك مو چفك يفضها!!!
اسكتت جدامها وحاجتني المرايات
حرامات الغلـن للشوف تعرضها
واغض شوفي واغادر دربك منتفوت
بس عن البگلبك عيني ما غضها
وافتّش خاطرك خاف الگه غيري هناك
والضلوع التشبگك خايفه ترضها
اصابيعك النقشن صورتي بكل طيف
فشله من الندم لو شوفك اتعضها
شلّك بفيايهم والشمس ما تنلاّح
بس سلهمت يمّك من كُبر حظها
وعليمن مستحي ؟ اليحترك حصت الريح
والتهده الرسايل يحلم يكضها!!!
م
رد مع اقتباس
