كلمات قصيدة يحزام الظهر مكتوبة - فاقد الموسوي
يحزام الظهر وين .. ماشي وعايف حسين
شو چنك گطعت الصوت
إگعد گلي خويه وموت
يبعد اعيوني الاثنين . .يبعد اعيوني الاثنين
آ يا طيحتك عباس .. شلت يسرتي ويمناي
صدگ عطشان بس مبخوت .. من بعدك كرهت الماي
انه الهضمتني يالعباس .. ضحكوا من بچيت اعداي
افـا اعليك اختك اتانيك .. شأگلها وانته مو وياي
نمت يالما تنام الليل .. اشلون الحيل مابي حيل
صدگ لو تحلم العين ..ماشي وعايف حسين
__________________________________
يه لمن تسمع إسمي اتگوم .. يمك بإسمي من يحچون
رضيت اشلون ادنگ اعليك .. امن اجيتك ماگمتلي اشلون
حته اعداك لمن جيت .. تگعد چانوا ايتانوك
بس من شافوا انده بيك .. ايس گامو ايصيحون
يين الزهره گوم وياي .. ترضه اتشوفني ابچي اعداي
دليني الخيم وين .. يبعد اعيوني الاثنين
____________________________
لو شايفني من ظليت .. وحدي افتر على الصيوان
ادير اعله المخيم عين .. وعين اعليك للميدان
اول مره اشوف حسين .. يكسر خاطر النسوان
لن الزهره بإذني اتصيح .. گوم الحگ گمر عدنان
عميت وما اندل ظليت .. مدري اشلون يمك جيت
تيهت الصواوين .. ..ماشي وعايف حسين
____________________________
هسه اشلون ارد مهضوم .. المثلك يترك حسينه
ترضه حسين محني ايعود .. وتتلگـا نساوينه
شأگلهن عافني العباس .. نام وعمضت عينه
يزينب عيني اخوچ حسين .. وتعاي انعيلي يسكينه
حگي اعليك افرع الراس .. غير امضيع العباس
وابچي اويه النساوين .. يبعد اعيوني الاثنين
____________________________
هسه اهون يبعد اچلاي .. المصيبه ابطيحة حسينك
توصل ليك يالعباس .. دخانة صواوينك
وزينب تطلع امن النار .. وتصرخ ياعلي وينك
وآنه أدوس فوگي الخيل .. وانته ابعيده چفينك
بعد ساعه الحرم تحتار .. تركض لو تظل بالنار
وإجاها الفزع صوبين .. يبعد اعيوني الاثنين
____________________________
هم هاي اشوه يالعباس .. باچر عازة الخوان
باچر غربة تحدي النوگ .. وغربة اتصعد النسوان
باچر بين هذا وذاك .. زينب طاره الوديان
هاي امن الله من حسين .. زينب توگف ابديوان
باچر بين كل الناس .. يـسبـون الشرف عباس
ومعيـدة الدواوين .. يبعد اعيوني الاثنين
____________________________
كلمات الشاعر احمد المشرفاوي
_____________________________
كتابة Zahraa Al obaidi
لتحميل القصيدة mp3 اضغط هنا
رد مع اقتباس
المشاركة الأصلية كتبت بواسطة عــــلووش الـــقــــيـصـر
