بس أصبري
بس أصبري
أمرورة الفرگه اعله صدری اتطیح نجمه
واعثر ابصوتچ ضوه واتبده ظلمه
یوگف ابصدری هوه ایکفیله دنیه وخلگی نسمه
توهه بردت ونتی مریتی رصاصه
خایف اتروحین وذبل والعطش یترس مکانی
وخایف اشرب روحتچ واخذلی لیل وما اتانی
های لیه اسنین بارد محد ابملگاه چوانی
اشلون ماطگت عشب بیه الثوانی
ویخلص الیل ویخضر لیل ثانی
بیه واهس کافر وربچ هدانی
الیل شبعنی سفر وانه ابمکانی
ولتسافر عینه بترابچ حرام شوفی منچ وین اقضه
یامسافه البیهه جدمچ ماتوضه
ویاطریق الما مشیته وماعبر ظهری وتشضه
ویا نده المنطیچ عمره اشکبره حضه
فکی شباچ الوجع ونطینی روح
یلمشیتی الغیر دیره
السمه ازغیره اعله عینی وروحی اسیره
المایشبهونچ شگلهم هیه حیره
کل بعید ابعینی یزغر ونتی بعیونی چبیره
چنهه حال الغیمه تلهف بلجزیره
الوحشه ناس ابغیبتچ ماعدهه غیره
اشلون اسده
یلفراقچ وین حده
ابیا عطش تلگینی سده
کل جزر تلگین وجهی ابلایه مده
انه خاطر لهفتی ابکل طیف اشده
وکل جرح یندارلی ویلگانی عده
کل مکان العوز لبن آدم غریب
وغربة العاشگ طویله ابلایه رده
حاسرتنی الفشله سکرانه اعله وجهی اترید تلگالچ عذر
کون یعرفنی الحطب چأ صار مای ولایورث بیه کل حیله الجمر
چأ ولا بغصان خلگی اغیابچ ایمرهه ابکثر
چأ ندهت الروح من نومت ضواهه ومانشف بیهه الصبر
چان دلیت الخساره ابیا کتر
چأ عرفت اشلون مایطفه العمر
لوتجبین الزعل کله وتجین چأ لگیتینی نذر
ابروحی لمیت النده وشبعته لیل ونتی مامریتی بعیونی فجر
هاذه عمری وذاکه یومی
وشوگی یلهف چنه جمره
یاهو مامشتاگ خل ینطینی لیل
ومنی خل یاخذ صبح بعیونه صحره
وین ماروح التفت ولگاچ یمی بلوجوه الماتعرفچ عفتی ذکره
بیه یومیه الجرح یاخذله سفره
یاهو مثلی وجهه فارغ من حنینه وتارس الدخان صدره
ونتی انتی الغیم بعیون العطش محفوظ گدره
ونتی ماکو اشلونه حالی وهوه چان الملگه نار
ینزل اشراعی حلم والمای یوگف والنوارس ماتحط لو حظهه طار
الصخره حظ العاثرین ونتی حظچ توه صار
لو تجین چأ لگیتینی ملح بی هوبت آمی چأ لگیتینی خضار
اشویه تأنی أمروة العاشگ نهار
بارده اعیونی علیچ وگلبی حار
امنین اجیب الحیل ولحگ ونتی تمشین ابجدم مطلوب ثار
حته لیشوف الموادع کون من یوصل محطه ایغمض اعیونه القطار
الشهید علــی رشم
رد مع اقتباس
