شفت المواكب بالحرب
حنيت وبعيد الدرب
اتمنيت احرس خيمتك
اتمنيت احرس خيمتك
بس يقبل العباس
گله امروتك
بس يقبل العباس
گله امروتك
____________________________
بعيوني ديرة امن الدمع
وشگد صور تبرالي
شديت بزنودي علگ
حطيت تربة اگبالي
مثل الحرب .. هذا الگلب
اسراره ابد ماتنحچي
بيه الصور .. موعد سفر
يغرگ المحطات البچي
وسنيني ماعدها ربع
وگلبي بغيابك خالي
طبينه والساتر خيم
وبصدورنه كسرة سهم
خلينه عگده ابرايتك
خلينه عگده ابرايتك
بس يقبل العباس
گله امروتك
بس يقبل العباس
گله امروتك
____________________________
يحسين موكبنه الضهر
وزع حنين ابمايه
وجنودك الــ بالمعركة
كلها استحت من هايه
صاحو افه .. وينه الوفه
نشرب وابو اليمه عطش
تدري الضهر .. صارت جمر
بس حزنك اعلينه غبش
مسينه والدنيه جرح
وي زينب النه احچايه
ياموت بس ماينشبع
لدغة حوافر عالضلع
بالطف وگفنه امرايتك
بالطف وگفنه امرايتك
بس يقبل العباس
گله امروتك
بس يقبل العباس
گله امروتك
____________________________
يحسين الك جرحي طفل
محترگة فوگه اخيامه
رگضت الخيل ابصفنتي
اشحال اليطيح إمامه
طيحة شمع .. فوگ الدمع
واتـجر يتامه ابروحي
لا من أهل .. لا من سأل
غلبت الخيل اجروحي
والگلب واگف عـالرمح
لا ماتهيد آلامه
صلينه بجروحك قضه
والثار بعده ماگضه
لليوم احنه ابعازتك
لليوم احنه ابعازتك
بس يقبل العباس
گله امروتك
بس يقبل العباس
گله امروتك
____________________________
كلمات الشاعر إبراهيم الخفيف
____________________________
❞ كتابة Zahraa Al obaidi ❞
لتحميل القصيدة MP3 اضغط هنا<<<
رد مع اقتباس