ابكربله گلبي فداك
ابهيئة القاسم اجاك
_________________________
ابروحي ذاخرها الك هاي الهديه
ياحسين وانته اقرب مني اليه
بلغت رملة ابتفاصيل الوصيه
الموعد ابعاشور بأرض الغاضريه
گلبي ملهوف اعتناك
ابهيئة القاسم اجاك
_________________________
انته تدري شگد غلاتك خويه عندي
ريت سهم الصوبك لو صاب چبدي
يومك أصعب اني ماظليت وحدي
إعليك لو صح اذرف اعيوني اعله خدي
صوت حسراتي النعاك
ابهيئة القاسم اجاك
_________________________
ماردت عرس ابني ابيوم شمعه
ردت يتحنه ابدماه والشمعه دمعه
رمله بدموع الحزن يم راسه تنعه
هاي فجعه وهيه مو كل فجعه فجعه
دمعي يحسين ابعزاك
ابهيئة القاسم اجاك
_________________________
چبدي صح بالسم تگطع وانته حاضر
لچن ماداست على صدري الحوافر
راسي جان ابحضنك وظليت اكابر
راسي ماشالة الرمح بين العساكر
كل ونيني وهمي ذاك
ابهيئة القاسم اجاك
_________________________
يالحنين واني اعرف هذا طبعك
ذكرتني ابكربله ونيت أسمعك
اني ماقاصد يبوالاكبر افجعك
انروح فدوة انا والقاسم الدمعك
نبض گلبي الما نساك
ابهيئة القاسم اجاك
_________________________
لا يهمك ابني لو بالدم تخضب
هذا قربان الاخوة وانته أوجب
وصي زينب لاتنوح وخاف تتعب
حيل يحتاج السبي شتصير زينب
عمري يوم الطف لقاك
ابهيئة القاسم اجاك
_________________________
ادري گلبك يالأخو بالطف تفطر
من نظرت القاسم اگبالك توذر
گلب والد يعني چنك شفت الأكبر
والمهم خويه فداك وما تعذر
كل جزء لبه نداك
ابهيئة القاسم اجاك
_________________________
كلمات الشاعر عمار هليل الواسطي
كتابة Zahraa Al obaidi
رد مع اقتباس
المشاركة الأصلية كتبت بواسطة فقار الكرخي
