هنا

[هيلــه]

يمه علي ..يمه علي
كالولي برحي ولا كلت ..ابني اطعم من اعثوكه
يوميه على الباب الشمس. .ماتطلع الا اضوكه
كتلهم اصياغ الذهب ..يم شكله يرخص سوكه
اني ابني ابوعيون الشهل ..لهدومه تكضي اعلوكه
لا ينحسد ..خافن ..يحط عينه الرمح ...لاينحسد
اقره الحمد.. من يفتح ارموشه اصبح ..اقره الحمد
....
يمه علي ...يمه علي
...
من مصدر عيونك خجل ..هذا الكمر واطباعه
ماخذ ملامح يانبي ..ياشبت النعناعه
بيانوح قارلك شكل ...انته ابيض من شراعه
لويوسف بوكتك عدل ..يصفن بوجهك ساعه
هذا الكمر ..يضم وجهه منك يستحي ..هذا الكمر
ماخذ حذر ...من حطلك الشامه الوحي ..ماخذ حذر
.....
...يمه علي ...يمه علي ..يمه علي
...
حركتك اسم الله العفو..يمي اعتذر مالومه
نوم العوافي والهنه ..شمحلات هاي ارسومه
يلزم سره ابوجهه الكطن..كل ماكعد من نومه
اني من اشم ابني اختلف..كون الا اخلص هدومه
يمه الولد ..مادري تنشم ياكتر ..يمه الولد
كل ماكعد ..يتكشخ بوجهه الفجر ..كل ماكعد
...
يمه علي ...يمه علي
...
وي جفي اسولف واحترك ...خي عونك اشكد شلته
من يمي من راح الولد ..صبعي ابراه خلصته
من تلمس بوجهه انهضم ...هذا الجمال العفته
كمت احسد اشفافي شكثر ...بخدوده جه بايسته
لا تنمسح ..بوساتي لبخدك علي ..لا تنمسح
حدي الصبح ..باجر اطيحن باهو الي ..حدي الصبح

..يمه علي ...يمه علي
...
بهلالك امفشل الضحه ...وعيد الفطر ياعيدي
ظلت أمل جيتك هوه ...ياروحي اكلج هيدي
يالناكع بكلبي اشكثر ...انكع بعد يوليدي
ابهذا عمره ابني علي. .ومايغفه الا عليدي
صارت كبل ..يالنايم وشايل غصن ..صارت كبل
هسه برمل ...معوته جنت اعله الكطن ..هسه برمل
...
يمه علي ...يمه علي
..
الشاعر محمد النواس
...

[فقار الكرخي]

عاشت الايادي