هنا

[Layla20]

رح اذكر الكم تجربتي وتجربة صديقاتي ...
قبل ما ابتعد عن جانب الدراسة صديقتي درست ع اليوتيوب وما دخلت خصوصي طلعت معدل 94 .
وهسه اجيكم للجانب النفسي ياريت منكم تشاركون المنشور حتى يوصل لاكبر عدد ممكن من الناس
بالسادس شفت انو لازم اكو شي ينكسر بداخلك وهالشي لو يخليك تستمر لو يخليك تستلم ...

صديقتي اهلهه دخلوهه خصوصي بـ 3 مواد بينما اختها الاصغر منها دخلوه بكل المواد ليش؟ لان اختهه اشطر منها
هنا اكو شي انكسر بداخلهه ... ليش يفضلوها عني؟ شنو اني غبية ؟! بس هنا صديقتي استمرت.

صديقة ثانية الشخص الي وعدهه يتزوجهه تزوج غيرهه بفترة السادس هنا شي انكسر بداخلهه
بس استمرت وما اهتمت ...

صديقة ثالثة اهلهه كالولهه منخليج تروحين كلية ... هنا انكسر شي بداخلهه
واستسلمت كالت اعيد السادس ومن عادته رسبت....

وصديقة اخرى اهلهه فاتحوهه بموضوع الزواج ..كالت الهم
تريدون تخلصون مني؟
وهنا انكسر شي بداخلهه وفكرة انو اهلهه ميحضنوهه لحد ما تقرر هي تروح

يعني اعتبروهه قاعدة رح تكسرك هواي اشياء صغيرة وجبيرة سواء بصديق عافك لان يريد يدرس او بموت شخص عزيز كأم او اب او جد او جدة وغيرهم او كل هالاشياء
او بمنعك من اشياء انت تحبهه ويكولولك بعدك صغير عليهه مثل المكياج للبنات والطلعات والخ
وبس الي يوكف على حيله رح يتجاهلهه ويركز على مستقبله ... ومن اول فرصة يعبر ... بس يعبر السادس مو بس حيودع حياة المدرسة لا .. حيودع الاشياء الي كسرته ورح يستذكرهه كأول انكسار حقيقي صار اله هاي اذا مكاسره شي قبل ...

بالنهاية هالمرحلة انتقاليه من طفولة الى مجتمع ثاني... اهتموا بنفسكم ولا تثقلون على اهلكم بالمصاريف لأن رح يطلبون منكم الكليات الي يردوهه همه لان صرفو وتعبو عليك
اعتمد على نفسك وادرس ع اليوتيوب ملازم اي شي المهم لا تطالب اهلك بشي لان بالمقابل رح يتحكمون بحياتكم ويختارولك الكلية الي يشوفوهه مناسبه الك

شاركوا اذا تحبون حتى يستفادون الناس

[ضياء المالكي]

كل الشكر للمشاركة ... ينقل للقسم الأنسب

[فقار الكرخي]

احسنتي