#ألــمــوازي
شنو يعني موازي ؟ مثلا الصيدلة هالسنه قبلت معدل 97.1 .. وانته معدلك 96 او 95 . او يعني اقل من المعدل المطلوب بدرجه او درجتين او درجة ونصف .. شيكول القرار
يكول يحقلك أن تقدم ع القسم الذي ترغب به شرط أن يكون أقل من المعدل المطلوب
# بدرجتان كحد اعلى #للمجموعه_الطبية
# 3 درجات كحد اعلى #للهندسة
# 4 درجات كحد اعلى #للعلوم
# 5 درجات كحد اعلى #للمعاهد وباقي #الاقسام_الاخرى
يعني اذا القسم طلب معدل 97.1فأنته شرط ان يكون معدلك اقل من ال 97.1بدرجتين اكثر شي اذا درجتين وعشر مامقبول هذا بالنسبه للطب
@ شلون اداوم ؟ وشلون يكون الدفع ؟
تداوم بالكلية الحكومية نفس اي طالب انقبل بمعدل طبيعي تداوم صباحي ووياه بشرط ان تدفع فلوس
@ شكد ادفع فلوس ؟
كل كلية والهه اسعارها بس بين كلية وكلية مو هواي فرق نصف مليون او مليون
مثلا الطب العام .. جامعة بغداد 14 مليون كل سنه
اما جامعة القادسية ..اعتقد 13 مليون
طب الاسنان اكو 13 واكو كليات 12
الصيدلة .اكو 10 واكو 11
يعني تدفع كل سنه 14 مليون
وكل سنه الاسعار تختلف مو ثابته
@ زين الموازي بس للطب ؟
لا الموازي للكل . طب . هندسه . علوم . تربية .اداره . قانون . وكل الاقسام .حتى المعاهد . معهد طبي ومعهد نفط .
@ بس طالب الصباحي يكدر يقدم موازي ؟
لا .كل طالب يكدر يقدم موازي ان كان طالب صباحي او مسائي او خارجي
@زين بالتعيين هم يفرق ؟
لا .وكأنه حالك حالهم خريج نفس القسم وبتخرجك ميكتبون خريج موازي .وانما طالب عادي نفسهم .
@ اذا جنت من ذوي الشهداء وانطوا ال 7 درجات اكدر اقدم موازي ؟
اي تكدر لان بعد الاضافه ياخذون اخر معدل بعد الاضافه
@ التقديم عليه شلون يصير ؟
من خلال نافذه الكترونية خاصه بيه . انته قدم عادي واذا ماعجبك قبولك وتريد تقدم موازي عادي قدم ع نافذة الموازي
@ شوكت ينفتح التقديم ع الموازي
@ شكد اسعار باقي الاقسام ؟
12.000.000 مليون #كليه_الطب
10.000.000 مليون #كليه_طب_لاسنان
8.500.000 مليون #كليه_الصيدله
4.000.000 مليون #نفط_معماري في كليه الهندسه
3.000.000 مليون #اقسام_هندسه_لاخرى
2.500.000 مليون #كليه_علوم_تمريض_تخصصات العلميه لاخرى
1.500.000 مليون #كليه_القانون
1.000.000 مليون #الكليات_لانسانيه
2.000.000 مليون #كليه_طب_بيطري.
3.000.000 مليون #التقنيه_الطبيه_وتقنيات_اله ندسه
1.300.000 مليون #كليات_التقنيات_لاداريه
3.000.000 مليون #معهد_طبي_بكل اقسامه
1.600.00مليون #معهد_التكنولوجيه
1.100.000مليون #معاهد_الباقيه
————-
رابط التقديم ع الموازي
https://www.dirasat-gate.org
___________
#معلومات_ألــمــــــــــــ ــــــــوازي
رد مع اقتباس
