مالج مقياس بكل حلوه
-تسواهن يمج ما تسوه
يمحليه التمشين وياهن
-ونفز لو خلخالج دَوه
كلها تسولف بس بحسنج
-طولج غفوه وصوتج غنوه
ولو نجمع حلوات الديره
-يم ضحكج يتبدن فدوه
يسنيناتج جنهن ليلو
-وطالع من محار استوه
وبالساعه الرمليه مشبهه
-خصرج ما تدرين شسوه؟
من ايميل ايغير وكتي
-ايخلص يومي البلش توه
كحل عيونج لاعب بيه
-ارحمي ابنادم يا بت حوه
شوفي اينشز من ماشوفج
-وعيوني بغيرج ما تروه
هاي الشامه الجوه شفافج
- بيها انلم ثوار وثروه
ذني شفافج حاير بيهن
-چم شريان انصلبن جوه
بيهن مونة كل لون احمر
-طينتهن من مَن وسلوه
رد مع اقتباس
