هنا

[وطنــــــي حضارة]

كلامك هذا ومقالاتك هذه تزييف للحقائق التاريخية

خوية وين الحقائق المزيفة و وين التاريخ بالموضوع تره هي المعركة البارحة مو بعيدة
تحياتي

[وطنــــــي حضارة]

خير كابتن حضرتك عراقي لو ايراني؟ اذا عراقي فعلى يا أساس تبخس حق شعبك خصوصاً الشيعة -بما انك شيعي- على يا أساس تنسى تضحياتهم سواء بالحشد لو الجيش لو الشرطة الاتحادية و.... ؟ نعم ما أنكر مساعدة جمهورية ايران والدور اللي لعبته في القضاء على داعش قدمت مستشارين وزودتنا بسلاح بس مال تجي تقنعني العراق مابيه قادة ولا مقاتلين هاي متمشي عندي صديقي، بعدين يا عراق مابيه سلاح اشو العشاير كلهم عدهم اسلحة من صارت الفتوى اول اللي تحركو ضباط الجيش السابق وجنوده وشكلو نواة الحشد الشعبي استعملو اسلحتهم الشخصية يعني صحيح ايران زودتنا بأسلحة لكن احنة هم جان عدنة اسلحة، واذا جنت ايراني فحقك تتكلم هكذا تريد تدافع عن وطنك لكن لا تنسى ان شعوب العراق وسوريا ولبنان واليمن تحملو الجزء الأكبر من عبئ مواجهة التنظيمات التكفيرية الارهابية، قدمو شهداء ودماءهم سقت الاراضي في سبيل تحرير بلدانهم وكذلك حتى ما يوصل الارهاب لحدود دولتك ايران ، حقيقة مخجل اشوف عراقي يترك بلده ويروح يطبل للسعودية وتركيا وقطر وايران و..... يا عمي لعد والعراق اللي تاكلون وتشربون من خيره وين حقه عليكم؟

صديقي ما كو فرق اذا ايراني او عراقي كلنا ابناء ادم و ادم من تراب
الوطنية في الاسلام نوع من انواع العصبية القبلية

[د. حسن سعيد]

صديقي ما كو فرق اذا ايراني او عراقي كلنا ابناء ادم و ادم من تراب
الوطنية في الاسلام نوع من انواع العصبية القبلية

منين جبت هالنظرية أخي؟ شنو رأيك بقول أمير المؤمنين (عُمرت البلدان بحب الأوطان) راجع كتاب تحف العقول ص 207 وبحار الأنوار ج75 ص45 نعم من يتحول حب الوطن الى عنصرية واستعلائية مثل ما صار عند هتلر وجماعته النازيين والفاشيين جماعة موسوليني ذاك الوقت نكدر نكول الوطنية صارت عصبية قبلية مرفوضة

[وطنــــــي حضارة]

منين جبت هالنظرية أخي؟ شنو رأيك بقول أمير المؤمنين (عُمرت البلدان بحب الأوطان) راجع كتاب تحف العقول ص 207 وبحار الأنوار ج75 ص45 نعم من يتحول حب الوطن الى عنصرية واستعلائية مثل ما صار عند هتلر وجماعته النازيين والفاشيين جماعة موسوليني ذاك الوقت نكدر نكول الوطنية صارت عصبية قبلية مرفوضة

شكراً
لك تحياتي

[Suzana]

خوية وين الحقائق المزيفة و وين التاريخ بالموضوع تره هي المعركة البارحة مو بعيدة
تحياتي

اذا البارحه وهيج نسبت النصر لأيران ،بعد كم سنة حتى دماء عراقية ماكو بالموضوع

[M̲u̲S̲h̲T̲a̲Q̲ツ]

ايران لم تقدم شيء ولن تقدمه مجانا ابدا لتغالط نفسك ،،،
راجع ماقاله وتم التصريح به من الحكومه الايرانيه بل حتى دور المستشارين هو اكذوبه لتصفيه بعض الحسابات بالعراق
باعطاء الشرعيه لتواجد الرجالات الايرانيه ،،،،خليها ترجيه باذنك ايران منهجها موازي لمنهج السعوديه بالتطرف ومحاوله بسط نفوذها

[بـشــــار]

عزيزي
كل واحد يشوف الموضوع من منظوره الخاص..
بس مال شخص يخالفك الرأي أو له وجهة نظر مختلفة وتسمي فكر صدامي أو بعثي ف هنا معناها إنك تفتقد للعقلانية وتعتمد على اسلوب التهجم بس لأنك حاب تفرض رأيك..
أني عني شخصيا أكولها ولااخاف منك ولا من أي شخص أني ماتروق الي السياسة الايرانية..
وفدوة ركزلي حتى لاتدخلني بحانه ومانه..
السياسة يعني الحكومة يعني الي تهمهم مصالحهم ومااحجي على شعب..
الحكومات مو موكلين من الله عز وجل حتى مااعارضهم ولااخشى بالحق لومة لائم سواء انتقدت سياسة العراق او ايران او قطر او السعودية او اثيوبيا..
بس ياعزيزي اني كل سياساتهم ماتهمني..
اني رجل عراقي ابن هالارض مو ابن طهران ولاابن الرياض ولا ابن اديس ابابا..
اني بصفتي مواطن عراقي وعندي غيرة على بلدي مااسمحلك تقلل من قيمة العراق وجيش العراق سواء كان السابق او الحالي ولااسمح الك تكول ان العراق قليل خبرة واذا حضرتك مو عارف تاريخ العراق ورجاله فهذي مشكلتك مو مشكلتي بس انك تثرم براسنا تمجيد لدولة على حساب العراق هذا الشي مااتقبله سواء منك او من غيرك لان وطني فوق الاوطان وكل انسان يعتز ويفتخر بوطنه مهما كان بي من سلبيات..
عزيزي اني احب الحقائق لكنها من تجمل بعاطفة الانتماء والمذهب ف هنا اسمحلي اكلك هايه مو حقيقة ..
اني ك رجل ما يهمني مذهب هذا شنو وفكر ذاك شنو كل الي يهمني مااسمح لاي شخص كان سواء تركي او ايراني او سعودي او امريكي يثير بلبله ببلدي لان محد عنده غيرة يقبل الغير يدنس ارضه وهالشي مو بس بالعراق حصرا..
اما عن هوية الارهاب ف ما يخفى على عاقل من صانع الارهاب وهي امريكا..
لكن مال انك تجي تقنعني ان الدول المحيطة بالعراق ماالها دور فانت مثل الي يشوف الطماطة ويكول الله شكد حلوة هايه التفاحة..
والسلام

[نـايـا]

اول مرة اعرف ايران هيج عظيمة
عيوني الشهداء الي صورهم تارسة الشوارع هذولة منين مو عراقيين
النصر عراقي وايران مالها اي فضل علينا
صدك لو كال المثل ( يامن تعب يامن شگه يامن على الحاضر لكه)
ماعرف الادارة على شنو مخلية هذا الموضوع كولة على بعضه تمجيد الايران

[Suzana]

اول مرة اعرف ايران هيج عظيمة
عيوني الشهداء الي صورهم تارسة الشوارع هذولة منين مو عراقيين
النصر عراقي وايران مالها اي فضل علينا
صدك لو كال المثل ( يامن تعب يامن شگه يامن على الحاضر لكه)
ماعرف الادارة على شنو مخلية هذا الموضوع كولة على بعضه تمجيد الايران

عادي جدا الاخ بين وجهة نظره واحنا واجبنا كعراقيين نوضحله الحقائق المخفية عنه..

صديقنا لاحظنا بمواضيعك تمجيد لدولة ايران على حساب العراق المعذرة منك عدنا فقرة هامة بهالخصوص

• أن يثبت إن النهج العام له هو نهج طائفي. كأن يدافع دائما عن مذهب او شخصية او حاكم او اتجاه باستمرار ويهاجم من يخالفه.

فمواضيعك الاخيرة كلها دفاعية عن دولة معينة لازم اكو موازنة بمواضيعك ..فنكتفي حاليا بغلق الموضوع مع الود..